सिरहाको गोलबजार नगरपालिकाको आयोजनामा आइतबारदेखि शुरु भएको दोस्रो नगरस्तरीय फुटबल प्रतियोगिताको उद्घाटन गर्दै उनले जनताको मुख्य दुश्मन गरीबी भएकोले सरकार गरीबी र बेरोजगारी समस्या अन्त्य गर्नेतर्फ केन्द्रित रहेको बताए।
स्थानीय, प्रदेश र सङ्घीय सरकारको विभिन्न योजना गाउँगाउँमा पुग्न थालेकाको उल्लेख गर्दै मन्त्री पण्डितले अबको चार वर्षमा विकास निर्माणले एउटा गति लिने विश्वास व्यक्त गरे।
प्रतियोगिताअन्तर्गत आइतबार भएको उद्घाटन खेलमा वीरगञ्ज युनाइटेड क्लब पर्साले डाँगी हाट फुटबल क्लब बेलवारीलाई २–१ गोल अन्तरले पराजित गरेको छ । प्रतियोगिताको विजेताले नगद दुई लाख २२ हजार नगद र उपविजेताले नगद एक लाख ११ हजार प्राप्त गर्ने आयोजकले जनाएको छ ।
यसअघि आइतबारै मन्त्री पण्डितले गोलबजार नगरपालिका–३ लालपुरमा एकीकृत नमूना दलित बस्तीको उद्घाटनसमेत गरेका थिए । सङ्घीय सरकारको समृद्धि कार्यक्रमअन्तर्गतको रु एक करोड १० लाखको लागतमा उक्त वस्ती निर्माण हुने जनाइएको छ ।
