मर्जरका लागि तीनवटा विकास बैंकको सेयर रोक्का

Jul 03, 2014 AarthikDainik

आर्थिक संवाददाता , काठमाडौं, असार १८ ,

मर्जरका लागि तीनवटा विकास बैंकको सेयर कारोबार रोक्का भएको छ । क्षेत्रीयस्तरका त्रिवेणी विकास बैंक, ब्राइट डेभलपमेन्ट बैंक र पब्लिक डेभलपमेन्ट बैंकले मर्जरमा जानको लागि औपचारिक रुपमा सहमति गरेपछि बुधबारबाट ती बैंकको सेयर कारोबार रोक्का भएको हो । मर्जरपश्चात् राष्ट्रियस्तरको त्रिवेणी विकास बैंकको नाउँमा वित्तीय कारोबार गर्ने सहमति भएको छ । एकीकृत कारोबार गर्ने त्रिवेणीको चुक्ता पुँजी ६६ करोड रुपैयाँ पुग्नेछ । हाल भने त्रिवेणीको चुक्ता पुँजी ३७ करोड ६१ हजार तीन सय रुपैयाँ रहेको छ । बजार पुँजीकरण ९८ करोड ४३ लाख ६३ हजार ५८ रुपैयाँ रहेको बैंकको कारोबार रोक्का हुनुअघि दुई सय ६६ रुपैयाँ अन्तिम मूल्यमा सेयर कारोबार भएको छ । चालू आर्थिक वर्षको तेस्रो त्रैमासिक अवधिसम्ममा पाँच करोड चार लाख रुपैयाँ खुद मुनाफा आर्जन गरेको बैंकको प्रतिसेयर आम्दानी १९ रुपैयाँ रहेको छ । चुक्ता पुँजी १४ करोड रुपैयाँ रहेको ब्राइटको भने कारोबार रोक्का हुुनुअघि एक सय ३८ रुपैयाँ अन्तिम मूल्यमा सेयर कारोबार भएको छ ।

क्षेत्रीयस्तरको विकास बैंकको रुपमा काभ्रेको पनौतीमा वित्तीय कारोबार सञ्चालन गर्दै आएको बैंकको बजार पुँजीकरण १९ करोड ३२ लाख रुपैयाँ पुगेको छ । चालू आर्थिक वर्षको चैत मसान्तसम्ममा सात लाख रुपैयाँ खुद मुनाफा आर्जन गरेको बैंकको प्रतिसेयर आम्दानी पाँच रुपैयाँ तीन पैसा रहेको छ । वीरगञ्जको आदर्शनगरमा वित्तीय कारोबार सञ्चालन गर्दै आएको पब्लिक डेभलपमेन्ट बैंकको भने पछिल्लो समय एक सय ८५ रुपैयाँ अन्तिम मूल्यमा सेयर कारोबार भएको छ । कारोबार रोक्का हुनुअघि उक्त बैंकको बजार पुँजीकरण २७ करोड ७५ लाख रुपैयाँ पुगेको छ । चालू आवको तेस्रो त्रैमासिक अवधिसम्ममा एक करोड २३ लाख रुपैयाँ मुनाफा आर्जन गरेको बैंकको प्रतिसेयर आम्दानी भने १० रुपैयाँ ८४ पैसा रहेको छ ।

comments powered by Disqus

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।

मर्जरका लागि तीनवटा विकास बैंकको सेयर रोक्का

Popular News More

नेपाल पुनर्बीमा कम्पनीको लाभांश घोषणा

सुनचाँदीको मूल्यमा भारि गिरावट, कति घट्यो?

सामान्य घट्यो वाणिज्य बैंकहरुको ब्याजदर, कुन बैंकले दिन्छ सबैभन्दा बढी ब्याज?

शेयरको भित्रि कारोबारमा प्रहरीले अनुसन्धान गर्ने भएपछि शेयर बजारमा बढ्यो बिक्री चाप, सूचक २,००० विन्दु तल झर्यो

Indices

Gainers More

Losers More