यस क्रममा फस्ट माईक्रो फाईनान्स डेभलपमेन्ट बैंकले
FMDBL अपरिस्कृत बित्तीय विवरण प्रकाशित गरी लगानीकर्ताको ध्यान आकृष्ट गरेको छ । १० करोड रुपैया शेयर पुँजी रहेको कम्पनीले गत आर्थिक बर्षको चौथो त्रैमाससम्ममा २ करोड ५६ लाख नाफा कमाउन सफल भएको छ । यसको प्रति शेयर आम्दानी ३९ रुपैया रहेको छ । बैकको जगेडा कोषमा ३ करोड ३८ लाख रुपैया र निस्क्रिय कर्जा भने सुन्य रहेको छ ।
त्यसैगरी युनिक फाईनान्सले
UFIL आफ्नो चौथो त्रैमाससम्ममा ३ करोड ४४ लाख नाफा आर्जन गर्न सफल भएको छ । २० करोड रुपैया शेयर पूँजी रहेको फाईनान्सको प्रतिशेयर आम्दानी १५ रुपैया रहेको छ । त्यसैगरी गत आर्थिक बर्षमा फाईनान्सले खराव कर्जा घटाई सुन्य दशमलव ४५ प्रतिशतमा झारेको छ । यस्को जगेडा कोषमा ४ करोड ८९ लाख रुपैया रहेको छ । शेयर बजारमा
त्यस्तै गरी पोखराको सिटी डेभलपमेन्ट बैंकले पनि आफ्नो लेखा परीक्षण नभएको बित्तीय विवरण प्रकाशित गर्दै १४ करोड संचालन नाफा गरेको जनाएको छ । कास्की आसपासका जिल्लाहरुमा कार्य क्षेत्र विस्तार गरी अगाडि बढेको सो विकास बैंकको आम्दानी प्रतिशत गत बर्षको तुलनामा ह्वात्तै बढेको छ ।
त्यसैगरी गौरीशंकर डेभलपमेन्ट बैंक (
GSDBL)ले गत आर्थिक बर्षमा ७ करोड १४ लाख रुपैया नाफा गरेको जनाएको छ । यो ंबैंक हाल किस्ट र प्रभु विकास बैंकसंग गाभिने क्रममा शेयर कारोबार बन्द छ ।
साना कम्पनीहरुको बित्तीय विवरणहरु सार्वजनिक हुँंदै गर्दा लगानीकर्ताहरु भने बढेको बजारमा आर्कशित भईरहेका छन् । कृषि बिकास बैंक
ADBL, नबिल
NABIL, नेपाल ईन्भेष्टमेन्ट
NIB , ग्लोबल आईएमई
GBIME जस्ता ठुला बैंक र चिलिमे
CHCL , बुटवल पावर
BPCL जस्ता ठुला कम्पनीहरुको विवरण प्रकाशित भएपछि शेयर बजारमा हलचल पैदा हुने आँकलन गरिएको छ । बित्तीय विवरणहरु आईसकेपछि लगानीकर्ताहरु नाफा घाटाको विश्लेषण गर्दै बोनस शेयर दिने, दशै अगाडि नै साधारणसभा गरेर दशै खर्च स्वरुप लांभाश बाड्ने कम्पनीहरुतर्फ केन्द्रित हुने गर्छन । यसपटक लघुवित्तको कारोबार गर्ने कम्पनीहरुको बित्तीय विवरण बढी चासोको रुपमा रहने देखिएको छ ।