धितोपत्र बोर्डले कम्पनीको शेयर निष्काशन तथा बिक्री प्रवन्धक ग्लोबल आइएमई क्यापिटललाई शेयर जारी गर्न स्वीकृती प्रदान गरेको हो । उच्च अदालत पाटनबाट मिति २०८१ असार १२ मा भएको स्वीकृति बमोजिम निवेदक कम्पनीको शेयर निष्काशन सम्बन्धमा कानून बमोजिम आवश्यक निकाशा दिनु भनी परमादेशको आदेश जारी भए अनुसार उक्त कम्पनीको सार्वजनिक निष्काशन सम्बन्धी प्रकृया अगाडि बढाउनु उल्लेख गरेको छ ।
कम्पनीको शेयर जारी सम्बन्धमा भएको अदालती प्रकृयाको कारण शेयर निष्काशनमा विलम्व भएको नेपाल धितोपत्र बोर्डले बताएको छ । कम्पनीलाई शेयर जारी गर्न स्वीकृत पहिले गरिसकिएको छ । अदालती प्रकृयाको छिनोफानो भएपछि कम्पनीलाई शेयर जारीको प्रकृया अगाडि बढाउने भनिएको बोर्डको भनाई छ ।
स्वीकृतिसँगै अब रिलायन्सको शेयर नेपाल स्टक एक्सचेन्ज (नेप्से) मा सूचीकृत हुने प्रक्रिया सुरु भएको बिक्री प्रवन्धक ग्लोबल आइएमई क्यापिटलले बताएको छ । रिलायन्सले एक वर्षअघि नै प्रतिकत्ता ८२० रुपैयाँ ८० पैसाका दरले सर्वसाधारणलाई प्राथमिक शेयर निष्काशन गर्ने प्रक्रिया सुरु गरेको थियो । योग्य संस्थागत लगानीकर्ताले बुक बिल्डिङ प्रकृयाबाट प्रतिकित्ता ९ सय १२ रुपैयाँका दरबले आईपीओ खरिद गरिसकेका छन ।
