मर्जर सम्बन्धी समझदारी पत्रमा सिद्धार्थ बैंकका तर्फबाट सञ्चालक हेमन्त ज्ञवाली र युनिभर्सल डेभलपमेन्ट बैंकका तर्फबाट सञ्चालक दिनेश शंकर पालिखेले हस्ताक्षर गरेका हुन् ।
मर्जर सम्बन्धि सम्पूणं कार्य २०७३ साल वैशाख मसान्तसम्म सक्ने बैंकको लक्ष्य रहेको छ । यसका साथै मर्जर प्रयोजनका लागि दुवै संस्थाको शेयर कारोबार पौष २३ गते देखि नै रोक्का गरिएको छ ।
चालु आर्थिक वर्ष २०७२/७३ को आश्विन मसान्त सम्ममा सिद्धार्थ बैंक र बिजनेस युनिभर्सल डेभलपमेन्ट बैंकको संयुक्त रुपमा रु. ३६ करोड ५२ लाख सञ्चालन मुनाफा ९नोक्सानी ब्यवस्था अघिको रु. ५१ अर्ब ७० करोड कुल निक्षेप र रु. ४३ अर्ब ७० करोड कर्जा रहेको विजनेश युनिर्भसल बैंकका प्रमुख कार्यकारी मनोहर केसीले जानकारी दिए ।
मर्जर पश्चात् बैंकले नेपालभर ६५ शाखा, ७२ ए.टि.एम र ६४ स्थानमा शाखारहित बैंकिंग सेवाको माध्यमबाट उच्चस्तरीय बैंकिग सेवा प्रदान गर्ने विज्ञप्तीमा उल्लेख छ ।
........................................................................................................................................................तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।