राधी विद्युत कम्पनीको लगानीमा निर्माण हुन लागेको तल्लो खारे खोला जलविद्युत आयोजनाले जलविद्युत आयोजना निर्माण तथा लगानीका अवसर र चुनौती विषयक अन्तरकृयाको आयोजना गरेको हो । जलविद्युत आयोजना निर्माणका दौरान झेल्नुपर्ने अवरोध तथा लगानीका स्रोत जुटाउने सम्बन्धमा अन्तरकृयाका सहभागिले चासो देखाएका थिए ।
जलविद्युत आयोजनाका लगानीकर्ता तथा व्यवशायिक घरानाका प्रतिनिधिको सहभागिता रहेको कार्यक्रममा मुलुकको समग्र अर्थतन्त्र विकासका लागि उर्जाले सबै भन्दा ठुलो भुमिका निर्वाह गर्ने भन्दै लगानीका लागि सहज वातावरण बन्नु पर्नेमा जोड दिएका थिए ।
जलविद्युत आयोजनामा लगानीकर्ता आकर्षित हुने गरे पनि विभिन्न किसिमका समस्याको कारणले आयोजनामा भित्रिन लगानीकर्तालाई समस्या हुने गरेको भन्दै कार्यक्रमका सहभागिले यस्तो अवस्थाको अन्त्य हुनुपर्नेमा जोड दिएका थिए ।
युनिभर्सल पावर कम्पनीले दोलखाको सुरी चंखु र खारे गाविस भएर बग्ने खारे खोलामा ११ मेगावाट क्षमताको जलविद्युत आयोजना निर्माणको काम आगामी बैशाखदेखि सुरु गर्ने तयारी गरेको छ । यसका लागि उसले नेपाल विद्युत प्राधिकरणसंग विद्युत खरिद सम्झौता गरि बैंक अफ काठमाण्डुसंग ऋण सम्झौता समेत गरिसकेको छ । आयोजना निर्माणमा अन्य लगानीकर्ताले पनि लगानी गर्न सक्ने छन् ।
युनिभर्सल पावर कम्पनी क्लिन इनर्जी डेभलपमेण्ट बैंद्वारा प्रवद्र्धित सिइडिबी हाइड्रो कम्पनीको सहायक कम्पनी हो ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
.................................................................................................................................................................
राधी विद्युत कम्पनीेले खारे खोला जलविद्युत आयोजनामा समेत लगानी गर्ने
