हकप्रद जारी गरेर चुक्ता पूँजी बढाउने निर्णयमा पुगेका यी दुबै बाणिज्य बैंकले साना बिकास बैंकहरुलाई उठाउनुको पछाडि राष्ट्र बैंकको रणनीतिले काम गरेको आँकलन गरिएको छ । राष्ट्र बैंकले ठूला बाणिज्य बैंकहरुलाई साना कम्पनीहरु आफुमा मिलाएर जान दबाब दिएको परिणाम राम्रा बिकास बैंकहरु खोसाखोस हुने अबस्था आएको छ । ठूलो परिमाणमा हकप्रद जारी गरेका बाणिज्य बैंकहरुले पनि साना कम्पनीहरुलाई उठाउनु बैंक तथा बित्तीय संस्थाहरुको संख्या घटाउने राष्ट्र बैंककै रणनीति अनुरुपको कार्य मानिएको छ ।
सोमबार प्राईमले किन्ने सम्झौता गरेको बिराटलक्ष्मीको चुक्ता पूँजी ४२ करोड छ भने कन्ट्रीको चुक्ता पूँजी, ३३ करोड छ । प्राईमले किन्ने सूचना बजारमा चुहिएपछि सोमबार नेप्सेमा कन्ट्रीको शेयर मूल्य १० प्रतिशत बढेर कारोबार भएको थियो । यी दुबै बैंकलाई कुन स्वाप रेसियोमा प्राईमले किनेको हो भन्ने खुलाईएको छैन तर प्राईमले चुक्ता पूँजी बढाउँन ३० प्रतिशत हकप्रद जारी गर्ने प्रक्रिया अगाडि बढाएको सन्दर्भमा उसको पूँजी बृद्धिमा यी दुबै बिकास बैंक सहायक हुने देखिन्छ । प्राईमको हाल चुक्ता पूँजी ३ अर्ब ७० करोड रहेको छ ।