प्रभु बैंकले आफुमा मिसिएको ग्राण्ड बैंकको खराब कर्जाको भारी बोकेर पनि खुद नाफा बृद्धि गर्नुका साथै जगेडा कोषलाई ३६ करोडले धनात्मक बनाउन सफल भएको छ । बैंकले गत आर्थिक बर्षमा खुद नाफा १३ करोडले बढाउन सफल भई एक अर्ब १४ करोड नघाएको छ भने निस्क्रिय कर्जा अनुपातलाई ८.३८ प्रतिशतमा सिमित गरेको छ ।

निक्षेप, कर्जा, ब्याज आम्दानी र संचालन मुनाफामा ब्यापक बढोत्तरी गर्न सफल भएको बैंकले डुबेको कर्जा असुल गरेर कर्जा जोखिम कोषमा राखिएको एक अर्ब ५ करोड फिर्ता ल्याएको छ । मेरोलगानी डटकमको पूर्व आँकलन मिल्ने गरी प्रभुको खुद नाफा आएको छ ।

बाणिज्य बैंकहरुमा कस्ले कति खुद नाफा कमाए ? ( आँकलनसहित)

ग्राण्डलाई लिएपछिको गत बर्षको तेस्रो त्रैमासको संयुक्त बित्तीय बिबरणमा प्रभुको जगेडा कोष १८ करोडले ऋणात्मक र निस्क्रिय कर्जा अनुपात १० प्रतिशत माथि पुगेको थियो । 

पाँच अर्ब ८८ करोड चुक्ता पूँजी रहेको बैंकको प्रतिशेयर आम्दानी १९ रुपैयाँ र पूँजी कोष अनुपात १२.१३ प्रतिशत रहेको छ । बैंकको प्रशासनिक र संचालन खर्च पनि ब्यापक रुपमा बढेकाले त्यसलाई नियन्त्रणमा राख्नु चुनौतिपूर्ण देखिएको छ । किष्ट आफैमा बढी शाखा संजाल भएको बैंक थियो भने ग्राण्डका पनि थुप्रै शाखा संजाल र कर्मचारी थिए । यी दुबैलाई मिलाउँदा खर्च धान्न प्रभुलाई सकस परेको देखिन्छ । 

प्रभुले तत्कालीन किष्ट र ग्राण्ड बैंकको खराब कर्जा वापत विगतमा धेरै रकम प्रोभिजन गरेकाले त्यस्ता कर्जाहरु असुल गर्दै गएमा भोलि चमत्कारिक प्रगति गर्न सक्ने संभावना भने धेरै नै छ । एकातिर ब्याज आम्दानी र संचालन नाफा बढाउने अर्को तर्फ प्रोभिजन गरेको कर्जा जोखिम कोषबाट रकम फिर्ता ल्याउँदै गर्दा चालु आर्थिक बर्षमा आकर्षक खुद नाफा गरी लगानीकर्तालाई लाभांश बितरण गर्नसक्ने कम्पनीमा दरिनसक्ने संकेत प्रभुले देखाएको छ । तर गत बर्षको खुद नाफाबाट जगेडा कोषमा बाँकी रहेको ३६ करोडबाट लगानीकर्तालाई केही पनि बाड्न नसक्ने अबस्था छ कनिभने निस्क्रिय कर्जा नै ८ प्रतिशत छ । निस्क्रिय कर्जा ५ प्रतिशत भन्दा माथि रहेको कम्पनीले लाभांश बाड्न नपाउने नीति राष्ट्र बैंकको छ । 

बिगतमा प्रभु फाईनान्सको रुपमा अगाडि आएको कम्पनीले संकटग्रस्त किष्ट बैंक, खारेजीमा गएको नेपाल बिकास बेंक र ग्राण्ड बैंकलगायतलाई किनेर सुधारको अभ्यास गरेको हो । ग्राण्डलाई गाभेपछि संयुक्त बैंकिड. कारोबार सुरु गरेको लामो समय भइृसक्दा पनि शेयर कारोबार भने खुल्न नसक्दा प्रभुका लगानीकर्ता पीडित बन्दै आएका छन् ।

यो पनि पढ्नुहोस् ।

प्रभुले यसरी किन रुवायो लगानीकर्ता ?

...................................................................................................................................................................

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।