सुरक्षित लगानी र निरन्तर प्रतिफलका लागि म्युचुअल फण्डहरुमा लगानी गर्नु दोस्रो बजारमा शेयर कारोबार गर्नु भन्दा राम्रो हो । जसका कारण सुरक्षाका दृष्टिकोणले राम्रो मानिने संस्थागत लगानीमा पनि पछिल्ला दिनमा लगानीकर्ताको आकर्षण बढेर गएको छ । एनएमबी क्यापिटलले ल्याएको ८० करोडको एनएमबी हाइब्रिड फण्ड एल वानमा ईकाइ निष्काशन भएको दोस्रो दिनसम्ममा ४० करोड रुपैयाँ बराबरको आवेदन परेको क्यापिटलले जनाएको छ ।
मंगलबार सार्वजनिक बिदा कारण बुधबार ईकाइको आवेदनमा चाप परेको छ । बिहीबार पनि उपत्यका बिदा भएका कारण फण्डका ईकाईहरुमा शुक्रबारसम्म आवेदन दिन सकिने एनएमबी क्यापिटलले जनाएको छ ।
निष्काशन सुरु भएको पहिलो र दोस्रो दिनको तुलनामा बुधबार ईकाइका आवेदकको संख्या अधिक भएको र अन्तिम दिनसम्ममा माग गरेभन्दा धेरै आवेदन पर्ने आँकलन क्यापिटलले गरेको छ ।
शेयरमा नयाँ लगानीकर्ताको संख्या बढेको र बजारमा हुने कृयाकलापको तुलनामा म्युचुअल फण्डमा हुने लगानी सुरक्षित हुने भएका कारण त्यस्ता लगानीकर्ताको संख्या बढेको देखिएको हो । लगानीकर्ताले एनएमबि क्यापिटल लिमिटेड नागपोखरी काठमाडौ तथा एनएमबि बैंकका सबै शाखाहरु मार्फत आवेदन दिन सक्नेछन् ।
यस अघि एनएमबी म्युचुअल फण्डले नै सञ्चालन गरेको पहिलो योजना एनएमबी सुलभ ईन्भेष्टमेण्ट फण्ड वानले लगानीकर्तालाई २० प्रतिशत नगद लाभांस बितरण गर्ने प्रस्ताव गरिसकेको छ । तेस्रो योजना पनि ल्याउने सम्पुर्ण तयारी सकेको क्यापिटल धितोपत्र बोर्डको स्वीकृतिको पर्खाईमा रहेको छ ।
..................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
