जम्मा ९४ हजार आठ सय कित्ता मध्ये लघुवित्तले कर्मचारीलाई एक हजार आठ सय ९६ कित्ता तथा सामुहिक लगानी कोषलाई चार हजार सात सय ४० कित्ता सेयर छ्ट्याएर बाँकी रहेको ८८ हजार पाँच सय ६० कित्ता सेयर सर्वसाधारणलाई बाँडफाँड गरिएको हो । घण्टौं लाइन लागेर सेयर आवेदन गरेका मध्ये ९० प्रतिशत आवेदकले सेयर नपाएका हुन् । सेयर बाँडफाँडको नतिजा केही बेरमा मेरोलगानीमा प्रकाशित गरिने छ ।
गत पुस १९ देखि २२ गतेसम्म निष्काशन भएको साधारण सेयरका लागि झण्डै दुई सय १५ गुणा बढी अर्थात एक अर्ब ८८ करोड ३१ लाख रुपैंयाको आवेदन परेको तियो । तरलता अभाव चरम बनिरहेका बेला धितोपत्र बोर्डले अरु कम्पनीहरुले निर्धारित समय अघि नै सेयर बाँडफाँड गर्न निर्देशन दिएको सन्दर्भमा बजारमा लघुवित्तको आईपीओमा फसेको उक्त रकम पनि फिर्ता आउने भएको हो ।
बाराको सिमरामा केन्द्रीय कार्यालय रहेको माईक्रोफाईनाइन्समा तीस जना संस्थापकहरुको दुई करोड दश लाख रुपैयाँ लगानी रहेको छ । माइक्रोफाइनान्सले आइपीओ निष्कासन गर्न धितोपत्र बोर्डमा गत भदौ पाँच गते आवेदन दिएर बोर्डबाट मंसिर २७ गते स्वीकृति पाएको थियो । नेपाल राष्ट्र बैंकबाट घ वर्गको इजाजत प्राप्त वित्तिय संस्थाको रुपमा समताले २०७० बाट कारोवार सुरु गरेको थियो ।