बैंकले अत्याधुनिक बैंकिङ्ग सेवाहरु बुधबारे तथा आसपासका क्षेत्रहरुका ग्राहकहरू समक्ष पु¥याउने उद्देश्यले उक्त 
शाखा स्थापना गरेकोे विज्ञप्तीमा उल्लेख छ । बिस्तारित शाखाबाट ग्राहकहरुलाई लकर सेवा समेत उपलब्ध गराइएको बैंकले जनाएको छ । नयाँ शाखा उद्घाटनको अवसर पारेर बैंकले एक महिनाको लागि लकरको वार्षिक भाडा दरमा ५० प्रतिशत छुटको व्यवस्था गरेको छ ।
अहिले सन्राइज बैंकले मुलुकभर ६९ वटा शाखा र ७८ वटा एटिएमद्वारा बैंकिङ्ग सेवा प्रदान गर्दै आएको छ । साथै वि.पि. कोइराला स्वास्थ्य विज्ञान प्रतिष्ठान धरान, चितवन मेडिकल कलेज नारायणगढ र मलेसिया भि.एल.एन. काठमाडौंमा एक्स्टेन्सन काउन्टर तथा विभिन्न स्थानमा १३ वटा शाखारहित बैंकिङ्ग सेवा संचालनमा रहेका छन् । बैंकले निकट भविष्यमा काठमाण्डौंको कालिकास्थान (घट्टेकुलो)े, सुर्खेतको विरेन्द्रनगर तथा मकवानपुरको हेटौडामा शाखा स्थापना गर्ने जनाएको छ ।
