मेगा बैकको गत बर्षको कमाईबाट प्रदान गरेको १३.२५ प्रतिशतका दरले ५३ लाख १५ हजार ९४० कित्ता बोनस सेयर र तीन लाख ८६ हजार आठ सय ८२ कित्ता हकप्रद सेयर सूचिकृत भएको छ ।
सेवा विकास बैंकको ५१ लाख छ हजार ६६२ कित्ता हकप्रद तथा १९ प्रतिशत बोनस बराबरको आठ लाख आठ हजार ५५४ कित्ता बोनस सेयर सूचिकृत गरेको हो ।
त्यस्तै ओम डेभलपमेन्ट बैंकले ३० लाख ७४ हजार ३२१ कित्ता कित्ता बोनस सेयर सूचिकरण गराउँदा ओमसँगै मर्जरमा रहेको मनास्लु विकास बैंकले १८ प्रतिशत बोनसको तीन लाख ३० हजार ३५४ कित्ता बोनस सेयर सूचिकरण गराएको हो ।
सिर्नर्जी पावर डेभलपमेन्टले पनि ७० लाख कित्ता सेयर सूचिकरण गराएको छ । जसमध्ये सर्वसाधारणमा जारी गरेको २१ लाख कित्ता सेयर अर्को साताबाट सेयर बजारमा कारोबार हुनेछ । संस्थापक सेयरधनीको ४२ लाख र स्थानियको सात लाख कित्ता भने तीन बर्षपछि मात्र कारोबार हुने व्यवस्था छ ।
सिनजीको आईपीओ सूचिकरणसँगै जलविद्युत्त समुहमा सूचिकृत कम्पनीहरुको संख्या १३ पुगेको छ भने कुल सूचिकृत कम्पनीहरुको संख्या २११ पुगेको छ