यसअघि एक अर्ब रुपैंयाको सामुहिक लगानी कोष ग्लोबल आइएमई समुुन्नति योजना १ जारी गरेको ग्लोबल आईएमई क्यापिटलले दोस्रो योजना ल्याउन लागेको हो । उसले सात बर्षे बन्दमुखी ग्लोबल आईएमई ब्यालेन्स फण्ड १ को एक करोड २० लाख ईकाई निष्काशनको अनुमतिका लागि धितोपत्र बोर्डमा आवेदन दिएको हो ।
सिद्धार्थ क्यापिटलले यसअघि नै एक करोड २० लाख कित्ता ईकाईको जारी गर्न अनुमति मागेपनि पाएको छैन । अब ग्लोबल आईएमई ब्यालेन्स फण्ड १ ले समेत एक करोड २० लाख कित्ता ईकाईको अनुमति माग गरेपछि दुई अर्ब ४० करोडको ईकाईमा लगानी गर्ने अवसर लगानीकर्तालाई प्राप्त हुने भएको छ ।
नेपालमा हालसम्म दश वटा म्युुचुुअल फण्डहरु संचालनमा रहेका छन । सिद्धार्थ इन्भेष्टमेन्ट ग्रोथ स्कीम १, सिद्धार्थ इक्वीटी ओरिएन्टेड स्कीम, लक्ष्मी भ्यालु फण्ड,नवील ब्यालेन्स फण्ड १, एनआइबिएल समृद्धि फण्ड,एनएमबी सुलभ इन्भेष्टमेन्ट फण्ड, ग्लोबल आइएमई समुुन्नति स्कीम, एनएमबी हाइब्रिड फण्ड १ र नवील इक्वीटी फण्ड संचालनमा रहेका छन् ।
सेयर बजारमा जोखिम मूल्याङकन गरी लगानी गर्न नसक्नेहरुका लागि यस्ता सामुहिक लगानी कोष निकै उपयोगी हुने गरेका छन् । यस्ता कम्पनीहरुले शेयर बजारमा कम्पनीको अबस्था, संस्थागत सुशासन, प्रगति गर्नसक्ने संभावना, जोखिमको अबस्थालगायतका बिषय मूल्याङकन गरी लगानी गर्ने हुँदा ईकाईधनी सर्बसाधारणले ढुक्कले प्रतिफल पाउने गर्छन ।
बर्षेनी ईकाईधनीले लाभांश पाउनुकासाथै अवधि समाप्त भएपछि जम्मा प्रतिफलसहितको एकमुष्ट रकम फिर्ता पाउने भएकाले सामुहिक लगानी कोष अति नै सुरक्षित मान्निछ । पछिल्लो समयमा सेयरबजारका लगानीकर्ताको आर्कषण यस्ता सामुहिक कोषहरुमा बढ्दै गएको देखिन्छ ।