सीईडीबी हाइड्रोपावरले २२ करोड ८९ लाख रुपैयाँ बराबरको २२ लाख ८९ हजार तीन सय कित्ता आइपिओ जारी गर्ने अनुमति माग गरेको छ । संस्थाले आयोजना प्रभावितका ५ करोड २८ लाख रुपैयाँ बराबरको सेयर तथा सर्वसाधरणका लािग १७ करोड ६१ लाख रुपैंयाको साधारण शेयर निष्काशन गर्नेछ ।
कम्पनीले सेयर निष्काशन तथा विक्री प्रबन्धकमा सनराइज क्यापिटल लिमिटेडलाई नियुक्त गरेको छ ।
यस कम्पनीद्धारा प्रवद्धित ३ वटा जलविद्युत आयोजनाहरु राधी जलविद्युत आयोजना (४.४ मेगावाट), साङ्गे जलविद्युत आयोजना (१८३ किलोवाट) र खुदि जलद्यिुत आयोजना (४ मेगावाट) संचालनमा रहेका छन् ।
निर्माणाधिन आयोजनाहरुमा दोर्दी खोला जलविद्युत आयोजना (१०.३ मेगावाट) लमजुङ्ग जिल्ला, रुकुम गाड जलविद्युत आयोजना (५ मेगावाट) रुकुम जिल्ला र तल्लो खरे खोला जलविद्युत आयोजना (११ मेगावाट) दोलखा जिल्लामा रहेका छन् ।यसै गरी कसुवा खोला जलविद्युत आयोजना (४५ मेगावाट) को अध्ययन कार्य गरिरहेको कम्पनीले जनाएको छ ।
त्यस्तै, सामुदायिक लघुवित्त वित्तीय संस्थाले तीन करोड रुपैयाँ बराबरको तीन लाख कित्ता सेयर निष्काशन गर्ने अनुमति मागेको छ ।
जसका लागि कम्पनीले एनएमबि क्यापिटल लिमिटेड र नेपाल एसबिआई मर्चेन्ट बैंकिङ लिमिटेडलाई सेयर निष्काशन तथा विक्री प्रबन्धकमा नियुक्त गरेको छ ।
नेपाल राष्ट्र बैंकबाट ‘घ’ वर्गको इजाजतपत्र प्राप्त यस वित्तीय संस्थाले २०७० साल चैतबाट कारोवार गर्दै आएको । संस्थाका अहिले ३२ वटा शाखा रहेका छन् ।
