साधारण सभाले सेन्चुरीको एक सय कित्ता बराबर अल्पाइनको ९३ कित्ता सेयर स्वाप निर्धारण गर्ने प्रस्ताव पनि पारित गर्दैछ । त्यसै गरी सेञ्चुरीको एक सय कित्ता बराबर सेती फइनान्सको ७० कित्ता सेयर स्वाप कायम गर्ने प्रस्ताव साधारण सभाले पारित गर्नेछ ।
विशेष साधारण सभाले विलय सम्बन्धमा भएका अरु सबै सम्झौतालाई पनि पारित गर्ने साधारण सभाको सूचनामा उल्लेख छ । भदौ १५ गतेदेखि साधारण सभाका लागि सेयरधनी पुस्तिका बन्द गर्ने बताएको बैंकले भदौ १४ गतेसम्म कायम सेयरधनीले मात्र सहभागिता जनाउन पाउने जनाएको छ ।
यस अघि अरनिको डेभलपमेण्ट बैंक, इन्नोभेटिभ डेभलपमेण्ट बैंक, सगरमाथा फाइनान्सलाई आफुमा बिलय गरेको थियो । अहिले बैंकले ४० प्रतिशत हकप्रद निष्काशन गरिरहेको छ । साधारण सभाबाट दुई संस्था विलय गर्ने सम्झौत अनुमोदन भएर हकप्रद पूँजीकरण हुँदा बैंकको चुक्ता पूँजी सात अर्ब ८५ करोड नजिक पुग्छ । बैंकले १६ करोड रुपैंया बराबरको बोनस बितरण गर्दा चुक्ता पूँजी आठ अर्ब माथि हुन्छ । बैंकले गत आर्थिक वर्षमा ४४ करोड रुपैयाँ खुद नाफा कमाएको छ ।
