मेगा बैंकले गत भदौ २७ गतेदेखि १० बराबर ६.५ अनुपात अर्थात ६५ प्रतिशत बराबरको २ करोड ९७ लाख ८५ हजार ३४ कित्ता सेयर विक्री गरेको हो । जसको निष्कासन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको छ ।
हकप्रदमा २०७३ माघ ६ गतेसम्म कायम सेयरधनीले विक्री प्रबन्धकका साथमा मेगा बैङ्कका सम्पूर्ण शाखा कार्यालयबाट आवेदन दिन सक्नेछन् ।
टुरिजम् डेभलपमेण्ट बैंकलाई गाभ्ने प्रक्रियामा रहेको मेगााको टुरिजमलाई समेत गाभ्दा चुक्ता पूँजी ९ अर्ब बढी पुग्ने देखिन्छ । मेगा र टुरिजमका बिचमा सेयर स्वाप रेशियो १०० बराबर ९५ सेयर स्वाप रेसियो हुने गरी मर्जर सम्झौता भएकोमा टुरिजमले मंसिर ४ गते चुक्ता पूँजीको ८.५४ प्रतिशत बोनस प्रस्ताव सहित साधारणसभा बोलाईसकेको छ ।
मेगाा बैंकको चुक्ता पूँजी ४ अर्ब ५८ करोड रुपैयाँ छ । ६५ प्रतिशत हकप्रदपछि चुक्ता पूँजी ७ अर्ब ५६ करोड पुग्नेछ । टुरिजम् बैंकको प्रस्तावित बोनसपछि दुई अर्ब १७ करोड ३४ लाख रुपैयाँ पुग्नेछ । टुरिजम् बैंक गाभिँदा मेगा बैंकको गत बर्षकाे बोनसभन्दा पहिला नै पूँजी ९ अर्ब ७३ करोड नाध्नेछ ।
उता बेष्ट फाइनान्स (साविक जनरल फाइनान्स) ले जारी गरेको १२५ प्रतिशत हकप्रद सेयरमा आवेदन दिने मंगलबार नै अन्तिम दिन रहेको छ । भदौ २७ गतेदेखि हकप्रद सेयरको निष्कासन खुला गरेका फाइनान्स कम्पनीको हकप्रदमा साउन २५ गतेसम्म कायम सेयरधनीले हकप्रद आवेदन दिन सक्नेछन् ।
बेष्ट फाईनान्स कम्पनीको धितोपत्र निष्कासन तथा विक्री प्रबन्धक ग्लोबल आइएमई क्यापिटल लिमिटेड रहेको छ । सेयरधनीहरुले ग्लोबल आइएमई क्यापिटलका साथमा जनरल फाइनान्सका सम्पूर्ण शाखा कार्यालय र ग्लोबल आईएमई बैंकका विभिन्न शाखा कार्यालयबाट आवेदन दिन सक्नेछन् ।
२२ करोड एक लाख ९५ हजार रुपैयाँ चुक्ता पूँजी रहेको जनरलको फाईनान्सको हकप्रद विक्रीपछि ३८ करोड ५४ लाख ४८ हजार रुपैयाँ चुक्ता पूँजी पुग्नेछ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
