बैंकको सेयर विक्री प्रबन्धक एनएमबि क्यापिटलले दिएको प्रारम्भिक जानकारी अनुसार १८७ रुपैयाँ १४ पैसा भन्दा माथि बोलकबोल गरेर आवेदन गर्ने साधारण सेयरका बोलपत्रदाताले सेयर पाएका छन् । बैंकले साधारण समूहको ७१ हजार ५७१ कित्ता सेयर लिलामीमा राखेको थियो । जसमा अधिकतम २५० रुपैयाँ ६० पैसासम्मको आवेदन परेको क्यापिटलले जनाएको छ ।
त्यसैगरि एक लाख ८७ हजार ६७८ कित्ता संस्थापक समूहको सेयरका लागि ६ जना आवेदकको माग परेकोमा सबै आवेदकले सेयर प्राप्त गरेका छन् । संस्थापक सेयरका लागि एक सय रुपैयाँमा नै सबै बोलपत्र प्राप्त भएको क्यापिटलले जनाएको छ ।
अल्पाइनले असार २५ देखि साउन २९ गतेसम्म १८ लाख ३ हजार २४७ कित्ता ९६९ कित्ता सेयर बिक्री खुला गरेकोमा अवितरित सेयर लिलामी मार्फत विक्रीमा ल्याएको थियो ।
२६ करोड ७५ हजार रुपैयाँ चुक्ता पुँजी रहेको अल्पाइनको हकप्रद विक्रीपछि ४४ करोड ४ लाख रुपैयाँ चुक्ता पूँजी कायम गरेको छ । गत आर्थिक वर्षमा ६ करोड २७ लाख ६ हजार रुपैयाँ खुद नाफा कमाएर प्रतिसेयर आम्दानी २४ रुपैयाँ ११ पैसा कायम गरेको छ ।बैंकको सेयरमूल्य आईतबार प्रतिकित्ता २५८ रुपैयाँ रहेको छ ।
हेटौडा–४, मकवानपुरमा प्रधान कार्यालय रहेको अल्पाइन सेञ्चुरी बैंकसँग प्राप्ती प्रकृयामा रहेको छ ।
----------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................