बुटवल पावरको नाफा २३४ प्रतिशतले बढ्यो
बुटवल पावर कम्पनीले पहिलो त्रैमासमा ७ करोड २२ लाख रुपैयाँ खुद नाफा गरेको छ । जुन गत वर्षको तुलनाभन्दा २३४ प्रतिशतले बढी हो । कम्पनीले गत वर्षको यसै अवधिमा २ करोड १५ लाख कमाएको थियो ।
१ अर्ब ८१ करोड रुपैयाँ चुक्ता पूँजी भएको कम्पनीले जगेडाकोषमा २ अर्ब ३६ करोड ९० लाख रुपैयाँ पु¥याएको छ ।
बुटवल पावरको प्रतिशेयर आम्दानी ३.९९ रुपैयाँ, मुल्य आम्दानीको अनुपात १६०.७९ गुणा र प्रतिशेयर नेटवर्थ २३०.८५ रुपैयाँ रहेको छ ।
सानिमामाई हाइड्रोको नाफा घट्यो
चालु आर्थिक वर्षको पहिलो त्रैमासमा सानिमामाई हाइड्रोपावर लिमिटेडको नाफा घटेको छ । पहिलो ३ महिनामा कम्पनीले १५ करोड १९ लाख रुपैयाँ मात्र खुद नाफा गरेको छ । गत आवको सोही अवधिमा सानिमाको नाफा १७ करोड रुपैयाँ थियो ।
गत वर्षको तुलनामा यो वर्ष सानिमामाईको नाफा झण्डै २ करोड रुपैयाँ घटेको हो कम्पनीले बिजुली बेचेर गर्ने आम्दानीमा पनि गिरावट आएपछि नाफा घटेको हो । असोजसम्म कम्पनीले बिजुली बिक्री र अन्य स्रोतबाट गरी २९ करोड १७ लाख रुपैयाँ आम्दानी गरेको छ । गत वर्षको सोही अवधिमा कम्पनीले ३० करोड रुपैयाँ आम्दानी गरेको थियो ।
कम्पनीको प्रतिसेयर आम्दानी (ईपीएस) १४ रुपैयाँ ४१ पैसा छ ।
अपि पावरको नाफामा गिरावट
चालु आर्थिक वर्षको पहिलो ३ महिनामा अपि पावर कम्पनी लिमिटेडको खुद नाफा घटेको छ । असोजसम्म कम्पनीले १ करोड ६५ लाख रुपैयाँ मात्र खुद नाफा गरेको छ । गतबर्षको यसै अवधिको तुलनामा कम्पनीको नाफा ५ लाख कम हो । गतबर्ष कम्पनीले १ करोड ७० लाख रुपैयाँ खुद नाफा गरेको थियो ।
बिजुली बेचेर हुने आम्दानीमा गिरावट आएपछि नाफा घटेको हो । अपीले यसअवधिमा ४ करोड १४ लाख रुपैयाँ आम्दानी गरेको छ । गत वर्षको सोही अवधिमा अपीको आम्दानी ४ करोड ६१ लाख रुपैयाँ थियो ।
नाफामा कमी आएपछि कम्पनीको प्रतिसेयर आम्दानी (ईपीएस) मा पनि गिरावट आई ६ रुपैयाँ ३२ पैसामा सीमिति भएको छ ।
सिनर्जी अझै ११ करोड नोक्सानमा
सिनर्जी पावर डेभलपमेन्ट लिमिटडले पहिलो त्रैमाससम्ममा ११ करोड ८१ लाख रुपैयाँ नोक्सानमा रहेको छ । अघिल्लो वर्षकोे सोहि अवधिमा पनि १४ करोड ५७ लाख रुपैयाँ नोक्सानमा रहेको थियो । एकबर्षको अवधिमा कम्पनीले झण्डै चार करोड नोक्सान घटाएको छ ।
कम्पनीको आम्दानी र संचालन मुनाफा बढेपछी घाटा क मगर्न मद्यत पुगेको हो । कम्पनीले यसअवधिमा ८ करोड ४४ लाख रुपैयाँ आम्दानी गरेको छ ।
कम्पनीको प्रति शेयर आम्दानी ४.८५ रुपैयाँ, मुल्य आम्दनीको अनुपात २.९५ प्रतिशत, प्रति शेयर नेटवर्थ ८३.१३ रुपैयाँ र बजार मूल्य प्रति शेयर १६२ रुपैयाँ रहेको छ ।
अरुण काबली पनि घाटामै
अरुण काबेली पावर लिमिटेड चालु आर्थिक वर्षको पहिलो त्रैमासमा ९ लाख रुपैयाँ नोक्सानमा रहेको छ । जुन गत वर्षको सोहि अवधिमा भन्दा एक लाख कम हो । गतबर्षको यसै अवधिमा कम्पनी १० लाख रुपैयाँ नोक्सानमा थियो ।
१ अर्ब ५० करोड रुपैयाँ चुक्ता पूँजी भएको कम्पनीको जगेडाकोष १ करोड ४८ लाख रुपैयाँ नकारात्मक छ ।
अरुण काबेली पावरको प्रतिशेयर नेटवर्थ ९९ दशमलव ०१ रुपैयाँ, तरलता अनुपात १ दशमलव ७४ प्रतिशत र प्रतिशेयर कुल सम्पत्तिको मूल्य २७१ दशमलव २८ रुपैयाँ रहेको छ ।
हिमालयनको कमाई नै छैन
हिमालयन पावर पार्टनरले भने विजुली उत्पादन र आय हुने कामै नगरेकाले खाली बित्तीय विवरण प्रकाशित गरेको छ । उसको चुक्ता पूँजी एक अर्ब ६ करोड छ । कम्पनीले केही समय अघि मात्र सर्वसाधारणमा सेयर जारी गरेको थियो ।