नेप्सेले होटलको १५ प्रतिशत बोनसपछि प्रतिकित्ता २६९ रुपैयाँ मूल्य कायम गरेको छ । जसको १८० दिनको सेयर कारोबारका आधारमा औसत आधारमूल्य २९९ रुपैयाँ कायम गरेको छ ।
यसअनुसार साेमबार हाेटलकाे सेयर २६९ रूपैयाँलाक्इर् अाधार मानेर काराेबार सुरू हुनेछ ।
होटलले मंसिर २८ गते आर्मी अफिर्सस क्लबमा बिहान ११ बजे ४३ औं बार्षिक साधारण सभा बोलाएको छ ।
५७ करोड ९१ लाख रुपैयाँ चुक्ता पूँजी रहेको सोल्टीले गत आर्थिक बर्षमा १८ करोड २९ लाख रुपैयाँ खुद नाफा कमाएको थियो । १५ प्रतिशत बोनस सेयरपछि होटलको चुक्ता पूँजी ६६ करोड ५९ लाख रुपैयाँ पुग्नेछ ।
चालु आर्थिक बर्षको पहिलो त्रैमासमा १७७ कोठाको स्तरोन्नती तथा भित्री सजावटका लागि बन्द भएपछि सोल्टीको मुनाफामा अत्याधिक गिरावट आएको छ । गत बर्ष ३ करोड १५ लाख रुपैयाँ खुद नाफा गरेकामा अहिले ३५ लाख ३५ हजार रुपैयाँ मात्र खुद नाफा गरेको हो ।
