विक्री प्रबन्धक सनराईज क्यापिटलले दिएको प्रारम्भिक जानकारी अनुसार ५०५ रुपैयाँदेखि माथि मूल्यमा शिलबन्दी बोलपत्र पेश गरेका सबै लगानीकर्ताले हाइड्रोको सेयर पाएका छन् । ५०४ रुपैयाँमा आवेदन गर्ने लगानीकर्ताले भने आंशिक रुपमा सेयर प्राप्त गर्नसक्ने अवस्था देखिएको क्यापिटलको भनाई रहेको छ ।
एक लाख ४६ हजार ५९२ कित्ता साधारण सेयरका लागि एक हजार दुई सय ९७ जनाले बोलपत्र पेश गरेका थिए । साधारण सेयरका लागि अधिकतम ५५४ रुपैयाँसम्मको आवेदन परेको क्यापिटलले जनाएको छ ।
गत भदौ २९ गतेसम्म शतप्रतिशत प्रतिशत बराबरको एक करोड पाँच लाख ५० हजार कित्ता हकप्रद बिक्री गर्दा अवितरित भएको सेयर कम्पनीले लिलामीमा राखेको थियो ।
चालु आर्थिक वर्षको पहिलो त्रैमासमा सानिमामाई हाइड्रोपावर लिमिटेडको नाफा दुई करोडले घटेर १५ करोड १९ लाख रुपैयाँ मात्र खुद नाफा गरेको छ । कम्पनीको सेयरमूल्य विहीबार प्रतिकित्ता ५४० रुपैयाँ हाराहारी रहेको छ ।