गत बर्ष दोस्रो त्रैमासमा पाँच करोड २१ लाख रुपैयाँ खुद नाफा गरेको बैंककाे खुद नाफा २०.१७ प्रतिशतले घटेर चार करोड १६ लाख रुपैयाँमा सीमित भएको छ । समीक्षा अवधिमा बैंकको ब्याज आम्दानी चार करोड ७० लाख रुपैयाँले मात्र बढेर २० करोड १५ लाख रुपैयाँ पुगेको छ ।
उता व्याज खर्च दोब्बरले बढेर १२ करोड ७४ लाखमा बढेपछि खुद व्याज आम्दानी अाठ कराेड ८८ लाख रूपैयााबाट सात करोड ४० लाखमा घट्न पुगेको हाे । बैंकको सञ्चालन नाफा समेत आठ करोड १९ लाखबाट २०.२४ प्रतिशतले घटेर ६ करोड ५३ लाख मात्र रहेको छ ।
बैंकको अन्य सञ्चालन खर्च २९ लाखले बढेर एक अर्ब १४ करोड पुगेको छ भने कर्जा नोक्सानी व्यवस्था २९ लाखबाट बढेर ५२ लाखमा बढेको छ । आम्दानी घटेपनि कर्मचारी खर्च ४३ लाखले बढ्दा नाफा घट्न थप सहयोग पुगेको छ ।
यस अवधिमा बैंकले तीन अर्ब चार करोड रुपैयाँ निक्षेप संकलन गरी दुई अर्ब ६६ करोड रुपैयाँ कर्जा परिचालन गरेको छ । ५० करोड रुपैयाँ चुक्ता पूँजी रहेको मितेरीको जगेडा कोषमा १२ करोड ८४ लाख रुपैयाँ रहेको छ ।
निष्कृय कर्जा अनुपात ०.०८ प्रतिशतमा झार्नुलाई बैंकको उल्लेख्य सफलता मान्न सकिन्छ । त्यस्तै प्रतिसेयर आम्दानी १६ रुपैयाँ ६६ पैसा, प्रतिसेयर नेटवर्थ १२५ रुपैयाँ ६८ पैसा, निक्षेप लागत ८.९२ र कर्जा निक्षेप अनुपात ७३.२८ प्रतिशत रहेको छ ।
