गत असोजमा एक करोड ८० लाखको आईपिओ जारी गरि बाँडफाँड गरेको कम्पनीले ऋणात्मक जगेडा कोषलाई धनात्मक बनाएपनि खुद नाफा भने १४ लाखबाट आठ लाख घटेर ६ लाखमा झरेको हाे ।
आईपिओ जारीपश्चात लघुवित्तको चुक्ता पूँजी चार करोड २० लाखबाट ६ करोड रुपैयाँ पुगेको छ । यस अवधिमा कम्पनीले चार करोड ६६ लाख निक्षेप संकलन गरि ३५ करोड ४५ लाख रुपैयाँ कर्जा परिचालन गरेको छ ।
समिक्षा अवधिमा दुई करोड ६८ लाख व्याज आम्दानी गर्दा लघुवित्तले एक करोड ६२ लाख खर्च गरेको छ । यसबाट खुद व्याज आम्दानी बढेर एक करोड पाँच लाख पुगेपनि कर्मचारी खर्च दोब्बर बढेपछि र कर्जा नोक्सानी व्यवस्था बढ्दा नाफा घटेको हो ।
निष्कृय कर्जा अनुपात १.५३ प्रतिशतमा बढेपछि संम्भावित कर्जा नोक्सानी कोष ३० लाख बढेर ४१ लाख ९८ हजार पुगेको छ । अन्य सञ्चालन खर्च कटौतीमा भने कम्पनी सफल छ ।
लघुवित्तको प्रतिसेयर नेटवर्थ १०२ रुपैयाँ ६९ पैसा, निक्षेप लागत ११.४५ प्रतिशत र पूँजी कोष १७.१० प्रतिशत रहेको छ ।