विजुली बिक्रीबाट केही आम्दानी बढाएको कम्पनीले नाफा बढ्दा संचित नोक्सानीमा केही कमी आएको छ । अझै पनि कम्पनी ११ करोड ४६ लाख संचित नोक्सानीमा छ ।
पुष मसान्तसम्म सिनर्जीले बिजुली बिक्री गरेर १३ करोड ४१ लाख रुपैयाँ आम्दानी गरेको छ । गत आवको सोही अवधिमा कम्पनीले १३ करोड ११ लाख रुपैयाँ आम्दानी गरेको थियो ।
कम्पनीले यसअधिमा ४ करोड ३९ लाख रुपैयाँ ब्याजखर्च गरेको छ । कम्पनीले १० मेगावाटको सिप्रिङखोला आयोजना बनाउन लिएको ७६ करोड ५४ लाख रुपैयाँ ऋण लगानी गरेको छ ।
कम्पनीको संचित नोक्सान बढी भएको र कर्जा तिर्न धेरै बाँकी रहेकाले लगानीकर्ताले अझै केही वर्ष प्रतिफल पाउने संभावना कम छ ।
कम्पनीको सेयर पुँजी ७० करोड रुपैयाँ, कम्पनीको प्रतिसेयर आम्दानी १० रुपैयाँ ६९ पैसाँ, प्रतिसेयर नेटवर्थ ८३ रुपैयाँ ६२ पैसा, कम्पनीको प्रति सेयर मूल्य १६४ रुपैयाँ छ ।
