गत आर्थिक वर्षभन्दा यस आवमा दोस्रो त्रैमासमा १६ करोड ७० लाख रहेको ब्याज खर्च १४ करोड ४९ लाख रुपैंयाले बढेर ३१ करोड २० लाख पुगेको हो । गत आर्थिक वर्षमा कम्पनीले ६६ करोड ७८ लाख ब्याजमा आम्दानी गरेको थियो भने यस वर्ष ७१ करोड ५५ लाख रुपैंयाँ व्याज आम्दानी गरेको छ ।
लघुवित्त कम्पनीको खुद व्याज आम्दानीमा १० करोड घटेर ४० करोड ३५ लाख मात्र गर्न सकेको देखिन्छ । व्याज आम्दानी को अनुपातमा व्याज खर्च ह्वात्तै बढ्दा नाफा सोही अनुसार घटेको छ ।
त्यस्तै यस अवधिमा कम्पनीको खुद नाफा ९ करोड ७९ लाख रुपैयाँमा समेटिएको छ । यो नाफा गत आवको यसै अवधिको तुलनमा ८ करोड २३ लाख रुपैंयाँ कम हो । त्यसैगरी कर्मचारी खर्च २३ करोडबाट बढेर २६ करोड ९५ लाख पुगेको छ ।
यस अवधिमा बैंकले दुई अर्ब ४८ करोड ४० लाख निक्षेप संकलन गरी ८ अर्ब १३ करोड ४५ लाख रुपैंयाँ कर्जा प्रवाह गरेको छ । गत वर्ष ५५ करोड ७५ लाख चुक्ता पूँजीमा एफपिओ जारीबाट ६५ करोड ५० लाख चुक्ता पूँजी पुर्याएको छ । लघुवित्तको जगेडा कोष चार करोड बढेर २३ करोड ८१ लाख सञ्चित हुन पुगेको छ ।
यस अवधिमा बैंकको खराब कर्जा ४.४९ प्रतिशत रहेको छ । गत आवको तुलनामा निक्षेप लागत ५.३३ प्रतिशतबाट बढेर ८.८४ प्रतिशतमा पुगेको छ । प्रतिशेयर आम्दानी २९ रुपैंयाँ ९० पैसा रहेको लघुवित्तको प्रतिशेयर नेटवर्थ १३६ रुपैयाँ ३६ पैसा छ ।
