यस अवधिमा कम्पनीले मदिरा व्यापारबाट ९५ करोड ९ लाख रुपैयाँ कमाएको जुन गत बर्षको यसै अवधिको तुलनामा १८ करोड ७५ लाख रुपैयाँ बढी हो । त्यस्तै कम्पनीको व्यापारमा लाग्ने खर्च तीन करोड ७१ लाख रुपैयाँ बढेर ५० करोड ६२ लाख पुगेको छ ।
कम्पनीको अन्य सञ्चालन आम्दानी ८० लाख रुपैयाँले घटेको छ । गत बर्ष एक करोड ८१ लाख आय गरेकोमा अहिले एक करोड एक लाखमा झरेको छ ।
कार्यालयको खर्च केही घटेपनि बस्तु विक्री वितरण खर्च बढेको छ । कम्पनीसँग ६३ करोड ५९ लाख रुपैयाँ अचल तथा ६१ करोड ५८ लाख चालू सम्पत्ति गरि कूल एक अर्ब २५ करोड १८ लाख सम्पत्ति रहेको देखिन्छ ।
कम्पनीसँग १९ करोड ८२ लाख रुपैयाँ अचल दायित्व तथा ४४ करोड १८ लाख चालू दायित्व देखिन्छ ।
३८ करोड ५६ लाख ४५ हजार पाँच सय रुपैयाँ चुक्ता पूँजी रहेको कम्पनीको प्रतिसेयर आम्दानी बार्षिक ५४ रुपैयाँ ४२ पैसा रहेको छ ।
