साविकको अरुण फाइनान्स हाथवे फाइनान्स कम्पनीमा परिवर्तन भएपछि नेप्सेले कम्पनीलाई विहीबारदेखि लागू हुने गरि एचएटिएच (HATH) काराबार संकेत प्रदान गरेको हो ।
विहीबारदेखि परिवर्तित कारोबार संकेतमा नै कारोबार सुरु भैसकेको छ । नयाँ संकेतमा कारोबार सुरु भएको दिन विहीबार समग्र नेप्से परिसूचक १० अंकले घट्दा फाइनान्सको सेयरमूल्य भने साढे ४ प्रतिशतले बढेर १४२ रुपैयाँ कायम भएको छ ।
यसअघि समस्याग्रस्त संस्था बनेपछि अरुण फाइनान्सलाई हाथवे इन्भेष्टमेष्ट कम्पनीले खरिद गरेको थियो । कम्पनीको पुस २७ गते सम्पन्न २१ औं वार्षिक साधारण सभाले कम्पनीको नाम परिवर्तनको गर्ने प्रस्ताबलाई पारित गरेको थियो ।
कम्पनी रजिष्टारकाे कार्यालयले फागुन ३० गते स्वीकृती प्रदान भएपछि चैत २ गतेदेखि अरूण फाइनान्सकाे चल अचल सम्पत्ति र तिर्नुपर्ने कर दायित्व सबै हाथवे फाइनान्स कम्पनीले गर्ने गरि काराेबार सुरू गरेकाे थियाे । नेप्सेमा चैत ८ गतेबाट नाम र काराेबार संकेत दुबै परिवर्तन भएकाे हाे ।
कम्पनीले राष्ट्र बैंकले ताेकेकाे चुक्ता पूँजी कायम गर्न १८० प्रतिशत हकप्रद जारी गर्ने र हाल रहेकाे ६० प्रतिशत संस्थापक सेयर स्वामित्व ५१ मा झार्ने विशेष प्रस्ताव समेत पारित गरेकाे थियाे ।
