कम्पनीको सेयर विक्री प्रबन्धक एनआईसी एशिया क्यापिटलले प्रुडेन्सियलको लिलामी सेयरको कटअफ मूल्य ६०३ रुपैयाँ कायम भएको जनाएको छ ।
याे मूल्य साेमबारकाे इन्स्याेरेन्सकाे बजार मूल्यभन्दा २४ रूपैयाँ बढी हाे ।कम्पनीको सोमबार दोस्रो बजारमा प्रतिकित्ता सेयरमूल्य ५७९ रुपैयाँ रहेको छ ।
लिलामीमा कूल २६८ जनाले शिलबन्दी बोलपत्र पेश गरेका थिए । सो मध्ये २३ जनाले लिलामीकाे सेयर प्राप्त गरेका छन् । १२ हजार ५०३ कित्ता लिलामी सेयरका लागि एक सय रुपैयाँदेखि अधिकतम ६४० रुपैयाँसम्मको माग आवेदन परेको क्यापिटलले जनाएको छ ।
प्रुडेन्सियल इन्स्योरेन्सले गत पुस १६ गतेदेखि माघ २१ गतेसम्म १० बराबर ३ अनुपातमा १२ लाख ८३ हजार कित्ता हकप्रद सेयरको बिक्री खुला गरेकोमा अवितरित सेयर लिलामीमा ल्याएको थियाे ।