गत बर्ष यसै अवधिमा २६ करोड पाँच लाख खुद नाफा आर्जन गरेकोमा चालु आर्थिक वर्षको तेस्रो त्रैमाससम्म २० करोड २० लाख मात्र खुद नाफा कमाएको हाे । यस अवधिमा कम्पनीले ६१ कराेड ०६ लाख अाम्दानी गर्दा ४० कराेड ८५ लाख खर्च गरेकाे छ ।
सेयर पूँजी दोब्बर पारेपछि कम्पनीको गत बर्ष रहेको ३२ रुपैयाँ ९३ पैसा प्रतिसेयर आम्दानी घटेर १२ रुपैयाँ ७६ पैसामा झरेको छ । तर कम्पनीले गत बर्षको कमाई समेत जोडेर ९ महिना अवधिको प्रतिसेयर आम्दानी २३ रुपैयाँ ३० पैसा उल्लेख गरेर लगानीकर्ता भ्रमित पार्न खोजेको देखिन्छ ।
कम्पनीहरूले प्रकाशित गर्ने वित्तीय विवरणलार्इ अाम लगानीकर्ताले विश्वास गर्ने गर्दछन् तर कम्पनीहरूले त्रुटीपूर्ण रूपमा दाेब्बर प्रतिसेयर अाम्दानी देखाउँदा त्यसले लगानीकर्तामा गलत सूचना प्रवाह त भएकाे छ नै कम्पनीले वित्तीय विवरण तयार गर्नुअघि तथ्याङ्क भेरिफाइ गर्ने नगरेकाे समेत यसले पुष्टि गर्दछ । गलत सूचना सम्प्रेषण हुँदा त्यसबाट पर्ने असरतर्फ कम्पनीकाे ध्यान पुग्न जरूरी छ ।
सानिमा माई हाइड्रोपावरको विद्युत बिक्रीबाट हुने आम्दानी ६ करोड ६५ लाख घटेपछि खुद नाफा घटेको हो । विद्युत बिक्रीबाट कम्पनीले ५६ करोड ६९ लाख १३ हजार रुपैयाँ आम्दानी गरेको छ । गत बर्ष ६३ करोड ३४ लाख ५४ हजार रुपैयाँ आम्दानी गरेको थियो ।
समीक्षा अवधिमा एक बराबर एक अनुपातमा हकप्रद सेयर जारी गरेर कम्पनीको सेयर पुँजी २ अर्ब ११ करोड पुगेको छ । कम्पनीले जगेडा कोष ४९ करोड १९ लाख ४६ हजार रुपैयाँ सञ्चित गरेको छ । गत बर्ष जगेडा कोषमा रकम देखाएको थिएन ।
कम्पनीसँग एक अर्ब ४९ कराेड ८४ लाख रूपैयाँ खुद चालू सम्पत्ती रहेकाे छ ।
सानिमा माई हाइड्रोपावरकाे वित्तीय विवरण यहाँबाट हेर्नुहाेस्..
