समीक्षा अवधिमा कम्पनीले ५० करोड ३० लाखको चुक्ता पूँजी ६२ करोड ८८ लाख पुर्याएको छ । जगेडा कोष २१ करोड ७६ लाखले बढाएर एक अर्ब २५ करोड सञ्चित गरेको छ ।
कम्पनीकाे जगेडा चुक्ता पूँजीभन्दा दाेब्बर पुगेकाले भविष्यमा सेयरधनीलार्इ लाभांश वितरण गर्ने हुँदा सेयरधनीले राम्राे प्रतिफल पाउन सक्छन् ।
१६ अर्ब ४५ करोड रुपैयाँ साना किसानमा कर्जा लगानी गरेर कम्पनीले एक अर्ब १३ करोड ब्याज आम्दानी गरि ५९ करोड ८१ लाख ब्याज खर्चं गरेको छ । यसबाट लघुवित्तले ५३ करोड २४ लाख खुद ब्याज आम्दानी कमाएको छ । जुन गत बर्ष (४६ करोड ३२ लाख) को तुलनामा १४.९४ प्रतिशत बढी हो ।
शुन्य दशमलव १३ प्रतिशत खराब कर्जा रहेको कम्पनीले ४ करोड ४२ लाख रुपैयाँ जोखिम कोषमा छुट्याउँदा बैंक एक करोड १८ लाख रुपैयाँ असुली गरेको छ । उसले सञ्चालन नाफा ३७ करोड ७६ लाखबाट ४२ करोड ५७ लाख पुर्याएको छ ।
बार्षिक प्रतिसेयर आम्दानी ५९ रुपैयाँ ०४ पैसा रहेको साना किसानले कर्मचारी खर्च नियन्त्रणमा नै राखेपनि अन्य सञ्चालन खर्च वृद्धिमा ध्यान दिनुपर्ने देखिन्छ । कम्पनीको अन्य सञ्चालन खर्च गत बर्षभन्दा ५० प्रतिशतले बढेको छ ।