कम्पनीले निष्काशन गरेको ८ लाख ४० हजार कित्ता आइपिओमध्ये ७ लाख ६४ हजार कित्ताका लागि सर्वसाधारणले आवेदन दिन पाउँछन् । बाँकी सेयर कर्मचारी र सामुहिक लगानी कोषको लागि छुट्याइएको छ ।
कम्पनीको सेयर विक्री प्रबन्धक एनआईबिएल एस क्यापिटलले उपलब्ध गराएको तथ्याङ्क अनुसार बुधबारसम्म एक लाख ७ हजार ११७ वटा आवेदनबाट ७९ लाख ७१ हजार कित्ताका लागि ७९ करोड ७१ लाख रुपैयाँ बराबरको आवेदन स्वीकृत भैसकेको छ । बुधबार परेका कतिपय आवेदन प्रमाणिकरण हुन बाँकी रहेको क्यापिटलले जनाएको छ ।
यस आईपिओमा ७६ हजार ४०० जना भाग्यमानी आवेदनकले गोलाप्रथाबाट १० कित्ता सेयर प्राप्त गर्दछन् । बुधबारसम्म परेको आवेदक संख्या ३० हजार ७१७ धेरै हो ।
आईपिओमा आवेदन गर्ने बिहीबार अन्तिम दिन रहेको छ । अन्य दिनमा भन्दा अन्तिम दिनमा धेरै आवेदन पर्ने हुँदा यस आईपिओमा पनि लगानीकर्ताले गोलाप्रथाबाट १० कित्ता मात्र सेयर प्राप्त गर्नेछन् ।
यस आईपिओमा प्रतिसेयर १०० रुपैयाँको दरमा आवेदकले न्युनतम ५० कित्ता र अधिकतम चार हजार २०० कित्तासम्मका धितोपत्र बोर्डबाट आस्वा सुविधाको अनुमति लिएका बैंक तथा वित्तीय संस्था तथा घर तथा कार्यालयबाटै मेरो शेयर मार्फत आवेदन गर्न सक्नेछन् ।
तर १० कित्ता सेयर पनि गोलाप्रथाबाट पाउनुपर्ने अवस्था रहेकाले पाँच हजारको आवेदन नै काफि देखिन्छ ।