रैराङ हाइड्रोपावरकोको साधारण सेयर बुधबारबार बाँडफाँड भएको छ । हाइड्रोको सेयर गोलाप्रथाबाट ७६ हजार ४४० जना आवेदकले १० कित्ताका दरले प्राप्त गरेका छन् । कम्पनीको सेयर १७.७८ गुणाले अधिक माग भएकोमा कुल आवेदकमध्ये ४३.५६ प्रतिशतले सेयर प्राप्त गरेका छन् ।

निष्काशन गरिएको ८ लाख ४० हजार कित्ता सेयरमध्ये ३३ हजार ६०० कित्ता कर्मचारी र ४२ हजार कित्ता सामूहिक लगानी कोषलाई छुट्टाएर बाँकी रहेको ७ लाख ६४ हजार ४०० कित्ता सेयर गोलाप्रथाबाट ७६ हजार ४४० जना सर्वसाधारण आवेदकलाई १० कित्ताका दरले बाँडफाँड गरिएको हो ।

नतिजा हेर्नको लागि मेरोलगानीको गृहपृष्ठमा रहेको आईपिओ (IPO) शिर्षकभित्र रहेको आईपिओ रिजल्ट (IPO RESULT) मा जानुहोस् । त्यसपछि  आईपिओ नतिजा हेर्नुपर्ने सम्बन्धीत कम्पनी  रैराङ हाइड्रोपावर छनौट गरि हितग्राही खाता नम्बर (बिओआईडि BOID) सेक्सनमा अाफ्नो १६ अंकको डिम्याट नम्बर राखेर खोजी (SEARCH Botton) मा गएर आफुलाई आईपिओ पर्यो कि परेन हेर्न सक्नुहुन्छ ।

रैराङको साधारण सेयरमा कुल एक लाख ७५ हजार ४७२ वटा आवेदन परेकोमा एक लाख ७५ हजार २७८ जनाको आवेदन स्वीकृत भएको छ भने १९४ वटा आवेदन रद्द भएको कम्पनीको सेयर निष्काशन तथा बिक्री प्रबन्धक एनआईबिएल एस क्यापिटलले जनाएको छ ।

एक करोड ३५ लाख ७५ हजार ६०० कित्ता सेयरको आवेदन स्वीकृत भएको थियो । १९४ आवेदकको १२ हजार ७६० कित्ता सेयर माग आवेदन विविध प्रकारको त्रुटीका कारण रद्ध भएको छ ।

कुल आवेदकबाट एक करोड ३५ लाख ८८ हजार ३६० कित्ता सेयर माग भएकोमा १२ हजार ७६० कित्ता सेयर माग भएको १ सय ९४ आवेदन रद्द भएको हो ।

यस आईपिओमा प्रतिसेयर १०० रुपैयाँको दरमा आवेदकले न्युनतम ५० कित्ता र अधिकतम चार हजार २०० कित्तासम्म आवेदन गर्न सकिने व्यवस्था रहेको थियो ।

>रैराङ हाइड्रोपावरको आईपिओ बाँडफाँड, ४३.५६% अावेदकले पाए १० कित्ता