गत साता एक अर्ब आठ करोड १९ लाख ४१ हजार रुपैयाँ बराबरको सेयर खरिदविक्री भएकोमा यस साता एक अर्ब ९२ करोड २७ लाख ३१ हजार रुपैयाँ बराबरको सेयर किनबेच भए ।
यस साता नेप्सेमा १८३ कम्पनीहरुको ४१ लाख ३७ हजार ४३० कित्ता सेयरहरु १९ हजार ७१३ पटक कारोबार भएको छ । गत साता १७६ कम्पनीहरुको १४ हजार २६ पटक कारोबारबाट २३ लाख २९ हजार चार सय ४० कित्ता सेयरहरु खरिद बिक्री भएका थिए
यस साता कारोबार रकम र कारोबार संख्या सबैमा नेपाल इन्भेष्टमेन्ट बैंकको संस्थापक सेयर अग्रस्थानमा रहेको छ । बैंकको तीन लाख ९६ हजार कित्ता सेयर ७२९ वटा कारोबारबाट २२ करोड ८५ लाख रुपैयाँ बराबरमा खरिद विक्री भएको छ ।
उत्कृष्ट पाँच कारोबार गर्ने कम्पनीमा स्वरोजगार लघुवित्त, लक्ष्मी बैंक, कालिका माईक्रोक्रेडिट लघुवित्त र नेपाल बैंकको उच्च कारोबार भएको छ ।
स्वरोजगारको ६ करोड ९९ लाख, लक्ष्मी बैंक ५ करोड ८३ लाख, कालिका माईक्रोक्रेडिटको पाँच करोड ३६ लाख र नेपाल बैंकको ४ करोड ७७ लाख रुपैयाँको सेयर कारोबार भयो ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा ४.३७ अंकले घटेर २७७.८९ अंकमा आईपुगेको छ ।