दोस्रो बजारमा ६८५ रुपैंया प्रतिकित्ताको दरमा कारोबार भैरहेको कम्पनीको सेयरमा ७२० रुपैंयासम्मको बोलकबोल परेको छ । प्रारम्भिक नतिजा अनुसार कम्पनीको सेयरमा न्युनतम ६२१ रुपैंया ५१ पैसा मूल्य हाल्नेहरुले सेयर पाएका छन् ।
कम्पनीको लिलामी सेयरमा कुल १ हजार १६ जनाले आवेदन गरेका थिए । जसमा ४५ वटा आवेदन रद्ध भए पछि ९७१ वटा आवेदनलाई मात्र बाँडफाँड प्रकृयामा समावेश गराइएको छ ।
त्यसमा पनि ६२१ रुपैंया ५० पैसाभन्दा माथिको मूल्य हाल्ने १९७ आवेदकले मात्र सेयर पाएका हुन् । कम्पनीको सेयरमा अधिकांस सामुहिक लगानी कोषहरुले आवेदन गरेका छन् ।
प्राइम लाइफले चुक्ता पुँजी बढाउन गत फागुन २७ देखि बैशाख ३ गतेसम्म १६० प्रतिशत हकप्रद बिक्री गरेको थियो । हकप्रद पश्चात कम्पनीको चुक्ता पूँजी एक अर्ब ७८ करोड ४८ लाख रुपैयाँ पुगेको छ । चालु आर्थिक वर्षको तेश्रो त्रैमासमा कम्पनीले १४ करोड ३१ लाख ५८ हजार रुपैयाँ खुद नाफा कमाएर प्रतिसेयर आम्दानी ३१ रुपैयाँ २८ पैसा कायम गरेको छ ।
