तीनवटै कम्पनीले सोमबारदेखि सेयरधनी किताब बन्द गर्ने भएकाले आईतबारसम्म कायम रहेका सेयरधनी मात्र बोनका लागि योग्य हुनेछन् ।
सांग्रिला डेभलपमेन्ट बैंक (SADBL) ले असार १७ गते काठमाडौंमा हुने १३ औं साधारण सभाबाट २.५ प्रतिशत बोनस र ९.३० प्रतिशत नगद लाभांश वितरणको प्रस्ताव पारित गर्ने घोषणा गरेको छ ।
हाल बैंकको चुक्ता पूँजी दुई अर्ब ४४ करोड ५२ लाख ५४ हजार रुर्पैयाँ रहेको छ । बैंकले बोनस वापत ६ करोड ११ लाख ३० हजार रुपैयाँ वितरण पश्चात बैंकको चुक्तना पूँजी दुई अर्ब ५० करोड६३ लाख ८५ हजार नाघ्नेछ ।
आइतबारको कारोबार अनुसार सांग्रीलाको बजार मूल्य प्रतिकित्ता १६३ रुपैयाँ हाराहारीमा रहेको छ ।
यस्तै श्री इन्भेष्टमेन्ट एण्ड फाइनान्स (SIFC) ले पनि २६ दशमलव ७५ प्रतिशत बोनस बोनस वितरण गर्न यही असार २२ गते साधारण सभा डाकेको छ । फाइनान्सको हाल चुक्ता पूंजी ६३ करोड २१ लाख रहेकोमा बोनसपछि चुक्ता पूँजी ७९ करोड ६४ लाख पुग्नेछ । सो फाइनान्सको प्रतिकित्ता शेयरमूल्य २१८ रुपैयाँ रहेको छ ।
उता ५ दशमलव ७१ प्रतिशत बोनस घोषणा गरेको मञ्जुश्री फाइनान्स (MFIL) ले बोनस वितरण गर्नका लागि अनुमोदन गराउन असार २० गते साधारण सभा बोलाएको छ ।
७६ करोड ५ लाख ९७ हजार रुपैयाँ चुक्ता पूँजी रहेको फाइनान्सको बोनसपछि ८० करोड ४० लाख रुपैयाँ चुक्ता पूँजी पुग्नेछ । सो फाइनान्सको पछिल्लो बजार मूल्य प्रतिकित्ता १३० रहेको छ ।