बोनस सेयर प्रस्ताव पारित गर्न कम्पनीले असार २४ गते अमृतभोग क्याटरिङ कालिकास्थान, काठमाडौंमा बिहान ११ः३० बजे साधारण सभा आह्वान गरेको छ ।
साधारण सभाका लागि कम्पनीले असार ५ गते देखि सेयरधनी किताब बन्द गर्ने भएकाले सोमबारसम्म कायम सेयरधनीले मात्र बोनस पाउनेछन् ।
कम्पनीले साधारण सभाबाट चुक्ता पूँजीको १० प्रतिशतले हुने ४ करोड १० लाख रुपैयाँ बराबरको बोनस सेयर र २६ लाख ६५ हजार रुपैयाँको नगद लाभांश बितरण गर्ने प्रस्ताव पारित गर्देछ । सोमबार कम्पनीको प्रतिकित्ता सेयरमूल्य २९५ रुपैयाँ हाराहारीमा कारोबार भईरहेको छ ।
४१ करोड रुपैयाँ चुक्ता पूँजी रहेको राधी विद्युतको बोनसपश्चात ४५ करोड १० लाख रुपैयाँ पूँजी पुग्नेछ । चालु आर्थिक वर्षको तेश्रो त्रैमासमा कम्पनीको प्रतिसेयर आम्दानी १३ रुपैयाँ ७७ पैसा रहेको छ ।