कोष व्यवस्थापन कम्पनीले आफ्नो स्वामित्वमा रहेको नेको इन्स्योरेन्सको दुई लाख कित्ता संस्थापक सेयर असार ५ देखि ११ गतेसम्म लिलामीमा ल्याएको थियो ।
बिक्री प्रबन्धक सिद्धार्थ क्यापिटलका अनुसार कृषि विकास बैंकले लिलामी गर्न ताेकिएकाे न्यूनतम मूल्य २४२ रुपैयाँमा नै सबै (दुई लाख) कित्ता सेयर मागेको थियो । तर तीन अावेदकले पनि सेयर माग गरेकाले सबै सेयर भने बैंकले पाएन ।
कृषि बाहेकका अन्य तीन आवेदकले पनि पाँच/पाँच हजार कित्ता दरले सेयर माग गरेका थिए । तीनमध्ये दुई आवेदकले कृषिको भन्दा बढी मूल्यमा सेयर माग गरेकाले मागेजति सेयर पाएका छन् भने एक आवेदक दामासहीमा सेयर पाएका छन् ।
संस्थापक सेयरमा लागि एक अावेदकले अधिकतम २४९ रुपैयाँ ७० पैसासम्मको आवेदन गरेका थिए । अर्का एक आवेदकले २४५ रुपैयाँमा रुपैयाँमा पाँच हजार कित्ता सेयर माग गरेका थिए । यी दुबै आवेदकले मागेजति नै सेयर प्राप्त गरेका हुन् ।
एक आवेदकले भने कृषि विकास बैंककै मूल्य २४२ रुपैयाँमा सेयर माग गरेकाले सो आवेदक र कृषि विकास बैंकले दामासहीले सेयर प्राप्त गरेका छन् । कृषि विकास बैंकले एक लाख ८५ हजार कित्ता बढी सेयर सकारेको छ ।
चालू आवको तेश्रो त्रैमासमा कम्पनीले २१ करोड ०३ लाख रूपैयाँ खुद नाफा कमाएर प्रतिसेयर आम्दानी ३५ रूपैयाँ ७७ पैसा कायम गरेको छ ।
यससँगै लिलामीको सबैं सेयर विक्रि भएको छ । कम्पनीले यसअघि जेठ १३ गतेदेखि असार ३ गतेसम्म विद्यमान संस्थापक सेयरधनीलाई आवेदन खुला गरेपनि सो समयमा भने सेयर विक्री भएको थिएन ।