राष्ट्रिय सभामा बोल्दै अर्थमन्त्री खतिवडाले राष्ट्र बैंक आगामी बर्षको मौद्रिक नीति सार्वजनिक गर्ने अन्तिम तयारीमा रहेको उल्लेख गर्दे ब्याजदरका समस्या सम्बोधन हुने विश्वास व्यक्त गरे ।
साथै अर्थमन्त्री खतिवडाले संघ, प्रदेश र स्थानीय गरी ७२१ वटा सरकारको बजेट निमार्ण भएकाले राजश्व मात्र नभई बजेट खर्च गर्ने अधिकार र आन्तरिक ऋण उठाउने क्षेत्र पनि बाँडिएको उल्लेख गर्दै एकै क्षेत्रमा आउने गरेको बजेट धेरै क्षेत्रमा बाडिँदा बजेटको आकार सानो नभएको बताए । यो बजेट उपयुक्त आकारको भएको भन्दै कार्यान्वयनमा जोड दिनुपर्ने बताए।
बजेट भूगोल तथा जनसंख्या र अन्य सूचकका आधारमा बजेट सन्तुलित रहेको उनको भनाई छ । बजेटले संघीयतलाई अंगालेको हुनाले संघमा रहेका कार्यक्रम पनि स्थानीय तह र प्रदेश तहबाटै कार्यन्वयन हुने बताए ।
