संघका पदाधिकारीसँगको भेटवार्तामा नेप्से प्रमुख रमेश अर्यालले साउन १ गतेदेखि नै पूर्ण स्वचालित अनलाईन प्रणालीको सुरुवात गर्नेमा प्रतिबद्धता जनाउँदै ढुक्क रहन लगानीकर्तालाई आग्रह गरेका हुन् । अर्यालले सेयरबजार सुधारको लागि लगानिकार्ताबाट प्राप्त हुने सल्लाह सुझावको सधै कदर गर्ने बताए ।
असार १८ गतेको मन्त्रीपरिषद बैठकले शेरबहादुर देउवा नेतृत्वको सरकारले निर्वाचन आचारसंहिता लागू भएपछि भदौ १४ गते यता भएका सबै नियुक्तिहरु खारेज गर्ने निर्णय गरेसँगै नेप्सेका तत्कालीन प्रमुख चन्द्रसिंह साउदको पद गएको थियो ।
साउद खारेजीमा परेसँगै अर्थ मन्त्रालयले उपसचिव रमेश अर्याललाई असार २५ गतेदेखि नेप्सेमा नयाँ महाप्रबन्धक नियुक्ती नभएसम्मका लागि प्रमुखको रुपमा निुक्त गरेको थियो ।
