खुद नाफा ४० प्रतिशतले घटेपछि लघुवित्तको प्रतिसेयर आम्दानी ३० रुपैयाँ ९४ पैसाबाट १६ रुपैयाँ ३२ पैसामा सीमित भएको छ ।
तीन करोड ९७ लाख रुपैयाँ चुक्ता पूँजी बढाएर ३४ करोड ५७ लाख कायम गरेको लघुवित्तले जगेडा कोष पाँच करोड ७० लाख घटेर ३३ करोड ९६ लाख रुपैयाँ सञ्चित छ ।
लघुवित्तको चुक्ता पूँजी, निक्षेप संकलन, कर्जा विस्तार र सापटी रकम बढेको छ भने जगेडा कोष, खुद ब्याज आम्दानी, नाफा, इपिएस, प्रतिसेयर नेटवर्थ, पूँजी कोष अनुपात, कर्मचारी बोनस, कर व्यवस्था र नोक्सानी व्यवस्था लगायत घटेको वित्तीय विवरणमा देखिन्छ ।
लघुवित्तले नाफा घट्नुमा वाणिज्य बैंकहरुको कर्जामा लिने ब्याजदर र मूल्य वृद्धिका कारण सञ्चालन खर्चमा भएको वृद्धिलाई प्रमुख कारण उल्लेख गरेको छ । लघुवित्तको संख्यामा आएको वृद्धिले अस्वस्थ प्रतिस्पर्धा र श्रोतको परनिर्भरता जस्ता अन्य कारणले नाफा घटेको कम्पनीले वित्तीय विवरणमा उल्लेख गरेको छ ।
समीक्षा अवधिमा लघुवित्तले एक अर्ब ५१ करोड ४६ लाख रुपैयाँ निक्षेप संकलन गर्दा ३ अर्ब ९५ करोड २३ लाख रुपैयाँ कर्जा परिचालन गरेको छ । लघुवित्तको सापटी रकम ११ प्रतिशतले बढेर एक अर्ब ८४ करोड पुगेको छ ।
गत आवको चौथो त्रैमाससम्ममा ६१ करोड ७७ लाख रुपैयाँ ब्याज आम्दानी गर्दा कोषको लागत ९.९५ बाट १०.७६ प्रतिशतमा बढेपछि ३२ करोड ९२ लाख रुपैयाँ ब्याज खर्च गरेको छ । जसबाट कम्पनी २८ करोड ८५ लाख रुपैयाँ खुद ब्याज आम्दानी गर्न सफल देखिन्छ । ब्याज आम्दानी बढाए पनि कोषकाे लागत बढ्दा खुद ब्याज आम्दानी भने अघिल्लो बर्षभन्दा ८.७३ प्रतिशतले कमी आएको छ।
लघुवित्तले कर्मचारी खर्चमा २३ करोड ४८ लाख रुपैयाँ र अन्य सञ्चालन खर्च ७ करोड ०९ लाख रुपैयाँ गरेको छ । निष्कृय कर्जा अनुपात ०.८७ बाट १.६० प्रतिशतमा बढेको लघुवित्तले सम्भावित कर्जा नोक्सानी व्यवस्था कोषमा एक करोड ६ लाख रुपैयाँ व्यवस्था गर्दा लघुवित्तको सञ्चालन नाफा ८ करोड ८६ लाखमा खुम्चिएको हाे । गत बर्ष लघुवित्तले १४ करोड ८७ लाख सञ्चालन नाफा कमाएको थियो । सञ्चालन नाफा भने ४० प्रतिशतले घटेको छ ।
नेरुडेको मूल्य आम्दानी अनुपात ३९.०४ गुणा, र प्रतिशेयर नेटवर्थ १९८ रुपैयाँ २२ पैसा रहेको छ ।
