होटलले यसअवधिमा एक अर्ब १७ करोडको व्यापार गरेको छ । गतबर्ष होटलको यस्तो आम्दानी एक अर्ब १० करोड थियो । पर्यटन क्षेत्रमा सुधार आउन थालेपछि आम्दानीमा वृद्धि भएको होटल्सले जनाएको छ ।
आम्दानी वृद्धि भएसँगै नाफा पनि बढेको हो । होटलको खर्च समेत बढेर ७० करोड नाघेको छ । कम्पनीको अन्य आम्दानी सामान्य बढेको छ भने कर्मचारी खर्च पनि बढेको छ । कम्पनीको सापट तथा कर्जा पनि बढेको छ ।
अघिल्लो बर्षको तुलनामा होटलको आम्दानी ९.११ प्रतिशतले बढेको छ । जसमा कोठाको आम्दानी ६.३८ प्रतिशतले बढेको छ भने खाद्य ताथ पेय पदार्थ बिक्री बापतको आय ५.८५ प्रतिशतले वृद्धि भएको होटलले जनाएको छ ।
होटलको चुक्ता पुँजी ९३ करोड ४२ लाख रुपैयाँ छ । यस्तै संचित कोषको आकार बढेर १ अर्ब ११ करोड ९० लाख रुपैयाँ पुगेको छ ।
होटलको नाफा बढेपछि प्रतिशेयर आम्दानी ३१ रुपैयाँ ७ पैसा पुगेको छ । अघिल्लो वर्ष प्रतिसेयर आम्दानी ३० रुपैयाँ २५ पैसा थियो । प्रतिसेयर नेटवर्थ २१९.७९ रुपैयाँ छ।