वित्तीय संस्थाका सञ्चालक समितिका सदस्यहरु मनोहर राज उप्रेती र भोलाराम श्रेष्ठ तथा प्रमुख कार्यकारी अधिकृत प्रकाश राज शर्माले प्रथम कर्जा वितरण गरी कारोबारको शुभारम्भ गरेका थिए ।
लक्ष्मी बैंक लिमिटेडको सहायक कम्पनीको रुपमा स्थापित यो संस्था नेपाल राष्ट्र बैंकबाट स्वीकृत प्राप्त राष्ट्रिय स्तरको लघुवित्तको काठमान्डौंको महाराजगञ्जमा केन्द्रीय कार्यालय रहेको छ ।
यस संस्थाको अधिकृत पूँजी ४० करोड र चुक्ता पूँजी २४ करोड २० लाख रुपैयाँ रहेको छ । संस्थाले विपन्न वर्गका परिवारको जीवनस्तरमा सकारात्मक परिवर्तन ल्याउने उद्धेश्य लिएको छ ।
यस वित्तीय संस्थाले आषाढ मसान्त २०७५ सम्ममा ४७ वटा जिल्लामा शाखा सञ्जाल विस्तार गरि ग्रामीण, पिछडिएको, बैकिङ्ग पहुँचबाट टाढा रहेका ग्राहक वर्गहरुलाई लक्षित गर्दै ८६ हजार ग्राहक वर्गलाई लघुवित्त कार्यक्रममा समेटेको छ ।
संस्थाले आफ्नो सदस्यहरुबाट ९७ करोड निक्षेप संकलन गरेको छ भने २ अर्ब ७१ करोड लगानीमा रहिरहेको कर्जा रहेको छ । संस्थाले बचत र कर्जा बाहेक लघुवीमा, विप्रेषण र शाखा रहित बैंकिङ्ग कारोबार समेत सञ्चालन गर्दै आइरहेको छ ।