सबैभन्दा धेरै चुक्ता पूँजी भएको लघुवित्तको नाफा घट्यो, जगेडा भने आर्कषक

Aug 16, 2018 Merolagani

शेयर बजारमा सूचीकृत भएका लघुवित्त कम्पनीहरुमध्ये सबैभन्दा धेरै चुक्ता पूँजी भएको निर्धन उत्थान लघुवित्त(NUBL) ले नाफा घटेको वित्तीय विवरण सार्वजनिक गरेको छ । कम्पनीको नाफा अघिल्लो आर्थिक बर्षको तुलनामा दुई करोड ४१ लाख रुपैयाँले घटेको छ ।

लघुवित्तको नाफा ४.१४ प्रतिशतले घटेको हो। अघिल्लो बर्ष ५८ करोड ३४ लाख रुपैयाँ खुद नाफा गरको कम्पनीले गत आर्थिक बर्षमा ५५ करोड ९२ लाख रुपैयाँ खुद नाफा गरेको छ । लघुवित्तको ब्याज खर्चको भार र नोक्सानी व्यवस्थापन खर्च वृद्धि हुँदा लघुवित्तको खुद नाफमा गिरावट आएको हो ।

दुई अर्ब ५२ करोड ३५ लाख रुपैयाँ ब्याज आम्दानी गरेको लघुवित्तले एक अर्ब २१ करोड ८८ लाख रुपैयाँ ब्याज खर्च गरेको छ भने एक अर्ब ३० करोड ४६ लाख खुद ब्याज आम्दानी गरेको छ ।

एक अर्ब चुक्ता भएको लघुवित्तको जगेडा कोषको आकार बढाएर एक अर्ब २५ करोड पुर्याएकोे छ । लघुवित्तले आठ अर्ब ५७ करोड दुई लाख रुपैयाँ निक्षेप संकलन गरेर १५ अर्ब ४५ करोड १९ लाख रुपैयाँ कर्जा परिचालन गरेको छ । साथै उसले बैंक तथा वित्तीय संस्थाहरुबाट ६ अर्ब ६४ करोड सापटी लिएको छ ।

लघुवित्तको खराब कर्जा बढेर ०.९२ प्रतिशत पुगेको छ । लघुवित्तको कोषको लागत भने ९.०७ बाट ८.३५ प्रतिशतमा झरेको छ ।

लघुवित्तको प्रति सेयर आम्दानी ५५ रुपैयाँ ९२ पैसा छ । मुल्य आम्दानी १८.३१ गुणा छ भने प्रति सेयर नेटवर्थ २२५ रुपैयाँ १० पैसा रहेको छ ।

यसरी प्रयोग गर्नुहोस डाटा एनालिटिक्स


comments powered by Disqus

हिमाल दोलखाको आईपीओ बाँडफाँड, निष्काशित सबै शेयर बिक्री नहुँदा चार प्रत्याभूतिकर्ताको थाप्लोमा

Aug 22, 2019 07:57 PM

हिमाल दोलखा हाइड्रोपावर (HIMAL) ले निष्काशन गरेको साधारण शेयर बिहीबार बिक्री प्रबन्धक ग्लोबल आईएमई क्यापिटलको कार्यालयमा बाँडफाँड भएको छ। आईपीओमा आवेदन गरेका सबै लगानीकर्ताले माग अनुसारको नै शेयर प्राप्त गरेका छन् भने निष्काशित सबै शेयर बिक्री नहुँदा चार प्रत्याभूतिकर्ताले बाँकी शेयर सकार्नुपर्ने अवस्था आएको छ ।