तीन जिल्ला कार्यक्षेत्र रहेकाे यस विकास बैंकले राष्ट्र बैंकले ताेकेकाे चुक्त्ता पूँजी कायम गर्न चार सय प्रतिशत हकप्रदकाे बाेझ सेयरधनीलार्इ बाेकाएर ५० कराेड कायम गरेकाे थियाे ।
ग्रीन डेभलपमेन्ट बैंकले गत आर्थिक बर्षमा चुक्त्ता पूँजी बढाएसँगै खुद नाफा पनि १७२.४९ प्रतिशतले बढाएको छ । तर यति धेरै नाफा बढाउँदा पनि उसकाे प्रतिसेयर आम्दानीमा भने जम्मा दुई रुपैयाँ मात्र रहेकाे छ । अघिल्लाे बर्ष बैंककाे प्रतिसेयर अाम्दानी तीन रूपैयाँ रहेकाे थियाे ।
अघिल्लो बर्ष २०७३/७४ मा बैंकले ३० लाख ५७ हजार खुद नाफा गरेकोमा आर्थिक बर्ष ०७४/७५ मा बैंकले खुद नाफा ८३ लाख ३० हजार रुपैयाँ पुर्याएको छ ।
दश कराेड पूँजीलार्इ चार सय प्रतिशत हकप्रद जारी गरेर ५० करोड रुपैयाँ चुक्ता पूँजी कायम गरेको बैंकको जगेडा कोषमा गत बर्षमा ५६ लाख ८५ हजार रुपैयाँले धनात्मक बनाएकाे छ । अघिल्लाे बर्ष बैंक ७० लाख ३५ हजार जगेडा नाेक्सानीमा रहेकाे थियाे ।
समिक्षा अवधिमा बैंकले ५९ करोड ८९ लाख रुपैयाँ निक्षेप संकलन गरेको छ भने ७५ करोड ८६ लाख रुपैयाँ कर्जा परिचालन गरेको छ ।
त्यसैगरी बैंकले गत बर्ष सात करोड ९२ लाख रुपैयाँ ब्याज आम्दानी गरेको छ भने चार करोड ७९ लाख रुपैयाँ ब्याज खर्च गरेको छ । बैंकको खुद ब्याज आम्दानी तीन करोड १३ लाख रुपैयाँ छ ।
बैंकमा खराब कर्जा अनुपात २.६६ प्रतिशतमा बढेको रहेको छ । अघिल्लो बर्ष बैंकमा खराब १.५८ प्रतिशत थियो ।