आर्थिक वर्ष २०७४/७५ को मुनाफाबाट दश प्रतिशत नगद लाभांश प्रस्ताव गरेर साधारण सभा आह्वान गरेको कम्पनीले ३० प्रतिशत हकप्रद बिक्री गर्ने योजना समेत अघि सारेको छ ।
साधारणसभाले संस्थापक शेयरधनीको तर्फबाट ४ र सर्बसाधारणका तर्फबाट दुई संचालक समेत चयन गर्नेछ ।
अघिल्लो बर्ष १० प्रतिशत बोनस शेयर र कर तिर्न ०.५३ प्रतिशत नगद लाभांश दिएको कम्पनीले यसपाली भने नगद लाभांश मात्रै प्रस्ताव गरेर लगानीकर्तालाई निराश पारेको छ ।
अर्कातर्फ ३० प्रतिशत हकप्रदको भार बोकाउने योजना समेत अघि सारेको छ । कम्पनीले दश प्रतिशत नगद लाभांश वितरण गरेपछि हकप्रद बिक्री गर्ने भएको हो ।
५३ करोड चुक्ता पुँजी रहेको कम्पनीले गत बर्ष ५ करोड ८६ लाख खुद नाफा कमाएर प्रति शेयर आम्दानी १० रूपैयाँ ९५ पैसा कायम गरेको थियो । उसको शेयर मूल्य दोस्रो बजारमा १६७ रूपैयाँ रहेको छ ।
