नेप्सेको गम्भिर त्रुटी र लापरवाहीले शेयर बजारका लगानीकर्ता आक्रोशित

Sep 03, 2018 Merolagani

सोमबार शेयर बजार खुल्नु अगाडि नेपाल स्टक एक्सचेञ्ज नेप्सेको वेवसाइटमा ग्रामिण विकास लघुवित्तको शेयर मूल्य समायोजन गरिएको सूचना प्रकाशित भयो । नेप्सेले सूचना प्रकाशनमा गरेको त्रुटी र लापरवाहीले शेयर बजारका लगानीकर्तालाई आक्रोशित बनायो ।

नेप्सेले सोमबार ग्रामिण विकास लघुवित्तको ५० प्रतिशत हकप्रदपछि शेयर मूल्य समायोजन गरेर सूचना जारी गरेकोपछि नेप्सेको लापरवाही र त्रुटीको खुलासा भएको हो ।

ग्रामिण विकास लघुवित्तले गत साउन २९ गते पचास प्रतिशत हकप्रद जारी गर्न विशेष साधारण सभा बोलाउने निर्णय गरेको थियो । उक्त निर्णय पारित गराउन कम्पनीले अगामी असोज ५ गते विशेष साधारण सभा बोलाएको छ ।

असोज ५ गते डाकेको विशेष साधारण सभाका लागि लघुवित्तले भदौ १८ गतेदेखि सभाको दिनसम्म सेयरधनी किताब बन्द गर्ने सूचना प्रकाशित गरिसकेको छ । तर नेप्सेले साधारणसभा बाट पारित नै नभएको हकप्रदको भदौ १८ गते नै शेयरमूल्य समायोजन गरेर गम्भिर त्रुटी र लापरवाही गरेको छ । यसले लगानीकर्तामा आक्रोश पैदा गरेको छ ।

विशेष साधारणसभा प्रयोजनका लागि गरिएको बुक क्लोजमा शेयरमूल्य समायोजन गरेपछि शेयर बजारका लगानीकर्ता नेप्सेको लापरवाहीप्रति चिन्तित समेत बनेका छन् ।

comments powered by Disqus

गणपति माइक्रोफाइनान्सको आईपिओ खुल्यो, एक हजारमै गर्न सकिन्छ आवेदन

Apr 22, 2019

गणपति माइक्रोफाइनान्स वित्तीय संस्था (Ganapati) ले बैशाख ९ गते सोमबारदेखि सर्वसाधारणमा साधारण शेयर (आईपिओ) जारी गरेको छ। कम्पनीले ३ करोड ३५ लाख रुपैयाँ बराबरको ३ लाख ३५ हजार कित्ता आईपिओ निष्काशन गरेको हो।