पोखरा फाइनान्स (PFL) ले गत आर्थिक बर्ष २०७४।७५ को नाफाबाट सेयरधनीलाई पाँच प्रतिशत बोनस सेयर र ८.६८ प्रतिशत नगद लाभांश वितरण गर्ने प्रस्ताव गरेको थियो।
फाइनान्स सञ्चालक समितिको साउन २८ गते सम्पन्न ४५४ औं बैठकले गत बर्षको मुनाफा तथा जगेडाबाट सो लाभांश प्रस्ताव गरेको थियो ।
फाइनान्सले बोनस वापत ४ करोड ८ लाख २२ हजार ५०६ रुपैयाँ तथा नगद लाभांश वापत ७ करोड ९ लाख ५२८ रुपैयाँ प्रस्ताव गरेको छ । सो लाभांश फाइनान्स कम्पनीको आगामी साधारण सभाबाट पारित भएपछि मात्र सेयरधनीलाई वितरण हुनेछ ।
त्यसैगरि वोमीको साउन २९ गते बसेको संचालक समितिको बैठकले गत आर्थिक बर्षको नाफाबाट जारी शेयर पूँजीको २५ प्रतिशतका दरले २ करोड ५२ लाख ७५ हजार बराबरको नगद लाभांश वितरण गर्ने प्रस्ताव गरेर स्वीकृतीका लागि राष्ट्र बैंकमा पेश गरेको थियो ।
प्रस्तावित लाभांश कम्पनीको आगामी साधारण सभाले पारित गरेपछि लगानीकर्तामा वितरण हुनेछ ।वोमी माइक्रोफाइनान्सले गत आर्थिक बर्षमा तीन करोड ९५ लाख रुपैयाँ खुद नाफा गरेको थियो ।दश करोड दश लाख रुपैयाँ चुक्ता पूँजी रहेको माइक्रोफाइनान्सको ६ करोड ५४ लाख रुपैयाँ जगेडा कोषमा सञ्चित छ ।
माइक्रोफाइनान्सको प्रतिशेयर आम्दानी ३९ रुपैयाँ ०८ पैसा रहेको छ । कम्पनीकोे मुल्य आम्दानी अनुपात ३५.४४ गुणा र प्रतिसेयर नेटवर्थ १६४ रुपैयाँ ७६ पैसा रहेको छ ।