समता माइक्रोफाइनान्सले घटाएर प्रस्ताव गर्यो बोनस, नगद कति ?

Sep 10, 2018 Merolagani

समता माइक्रोफाइनान्स वित्तीय संस्था (SMATA) ले गत वर्षको कमाईबाट आफ्ना शेयरधनीलाई वितरण गर्ने लाभांश प्रस्ताव गरेको छ । कम्पनीले अघिल्लो बर्षको भन्दा बोनस घटाएको छ । समताले बोनस र नगदगरी २१.०५ प्रतिशत लाभांश दिने भएको छ ।

कम्पनीको आइतबार बसेको सञ्चालक समिति बैठकले १० प्रतिशत बोनस र ११.०५ प्रतिशत नगद लाभांश वितरण गर्ने निर्णय गरेको हो । कम्पनीले प्रस्ताव गरेको लाभांश राष्ट्र बैंकको स्वीकृति पश्चात आगामी साधारण सभाले पारित गरेपछि मात्र लगानीकर्तालाई वितरण हुनेछ ।

अघिल्लो वर्ष समताले २० प्रतिशत बोनस सेयर र ११.५८ प्रतिशत नगद गरी कूल ३१.५८ प्रतिशत लाभांश वितरण गरेको थियो ।

हाल यस कम्पनीको चुक्ता पुँजी ३ करोड ७९ लाख २० हजार रुपैयाँ छ । बोनसपछि कम्पनीको चुक्ता पूँजी चार करोड १७ लाख नाघ्नेछ ।

गत आर्थिक वर्षमा समताले ७३ लाख ८५ हजार रुपैयाँ खुद नाफा कमाएर प्रतिशेयर आम्दानी १९ रुपैयाँ ४८ पैसा कायम गरेको थियो ।

comments powered by Disqus

BREAKING : रसुवागढी र सान्जेन जलविद्युतको आइपिओ भर्ने अवधि थपियो, कहिलेसम्म गर्न पाइन्छ आवेदन ?

Apr 23, 2019

रसुवागढी र सान्जेन जलविद्युत आयोजनाको साधारण शेयरमा आवेदन गर्ने समय थप गर्न धितोपत्र बोर्डले शेयर निष्काशन तथा बिक्री प्रबन्धकहकरुलाई निर्देशन दिएको छ । बोर्डमा लगानीकर्ताहरुले सिडिएससीको मेरो शेयरबाट शेयर आवेदन गर्न नसकेको भनी गरेको गुनासोका आधारमा धितोपत्र बोर्डले यस्तो निर्देशन दिएको हो ।