उल्लेखित नगद लाभांशमा बोनस सेयरमा लाग्ने कर समावेश गरिएको छ । अघिल्लो आर्थिक वर्षमा छिमेकले १९.८९ प्रतिशत बोनस र २५.११ प्रतिशत नगद लाभांश वितरण गरेको थियो ।
अहिले छिमेकको चुक्ता पूँजी १ अर्ब रुपैयाँ छ । नेपाल राष्ट्र बैंकबाट प्रस्तावित लाभांश स्वीकृत भएर साधारण सभाले पारित गरेपछि लगानीकर्ताले पाउने छन् । प्रस्तावित बोनस वितरण पश्चात लघुवित्तको चुक्ता पूँजी १ अर्ब १८ करोड रुपैयाँ पुग्नेछ ।
गत आर्थिक वर्षमा लघुवित्तले ६६ करोड ३८ लाख ९६ हजार रुपैयाँ खुद नाफा कमाएर ६६ रुपैयाँ ३९ पैसा प्रतिसेयर आम्दानी कायम गरेको थियो । बिहीबार छिमेकको प्रतिकित्ता सेयर ९२५ रुपैयाँमा अन्तिम पटक किनबेच भएको छ ।
