एक अर्ब रुपैयाँ आकारको यस फण्डको भदौ मसान्तमा फण्डको खुद सम्पत्ति ८७ करोड ९५ लाख ८५ हजार २६१ रुपैयाँमा खुम्चिएको छ । साउन मसान्तमा उसको खुद सम्पत्ति मूल्य ८६ करोड ३४ लाख ५६ हजार ७१ रुपैयाँ रहेको थियो ।
यस फण्डले भदौ महिनाको मसान्तसम्ममा सूचीकृत कम्पनीको ५४ लाख २६ हजार ५४७ कित्ता शेयरमा ७७ करोड १५ लाख ७९ हजार ११३ रुपैयाँ लगानी रहेको छ । साउनमा यस्तो लगानी ७५ करोड ८७ लाख ७४ हजार रहेको थियो ।
फण्डले एनएमबि बैंकमा सबैभन्दा धेरै एक लाख ८० हजार ६४१ कित्ता शेयरमा ६ करोड ५० लाख ३३ हजार ६४० रुपैयाँ लगानी गरेको छ । नेपाल बैंकमा पनि फण्डले ५ करोड ५४ लाख ५३ हजारको लगानी रहेको वित्तीय विवरणमा उल्लेख छ ।
फण्डको सूचीकृत ऋणपत्रमा एक करोड रुपैयाँ लगानी छ । त्यसैगरि फण्डले सूचीकृत नभएका कम्पनीको शेयरमा ४ करोड २२ लाख ४२ हजार रुपैयाँ लगानी छ भने मुद्धती निक्षेपमा ५० लाख रुपैयाँ राखेको छ ।
भदौमसान्तमा फण्डको बैंक मौज्दातमा ५ करोड ४७ लाख ९२ हजार ४४६ रुपैयाँ सञ्चित छ । साउन महिनाको तुलनामा बैंक मौज्दात एक करोड ६२ लाख ७१ हजार ९६४ रुपैयाँ बढेको हो । साउनमा तीन करोड ८५ लाख २० हजार ४८२ रुपैयाँ बैंक मौज्दात रहेको थियो ।
भदौमा मसान्तमा फण्डको नोक्सानी १८ करोड ३५ लाख आठ हजार रहेको छ । साउनमा फण्डको नोक्सानी १९ करोड ९६ लाख ३७ हजार रुपैयाँ रहेको थियो । साउनको तुलनामा भदौमा एक करोड ६१ लाख २९ हजार रुपैयाँले नोक्सानी घटेको हो ।
ग्लोबल आइएमई समुन्नत योजना–१ ग्लोबल आइएमई म्यूचुअल फण्ड द्धारा सञ्चालित सामूहिक लगानी कोष हो । यसको प्रबद्र्धक ग्लोबल आइएमई बैंक रहेको छ । बैंकको सहायक कम्पनी ग्लोबल आइएमई क्यापिटलको व्यवस्थापक रहेको यस कोषले २०७२ माघ १३ गते धितोपत्र बोर्डबाट सञ्चालनको अनुमति पाएको थियो ।
२०७२ फागुन २ देखि ५ गतेसम्म १० करोड इकाई जारी गरेको सात बर्ष अवधिको फण्ड वि.सं. २०८० मंसिर १० गते परिपक्क हुनेछ ।
