जसमध्ये शिखर इन्स्योरेन्स एक्लैले एक अर्ब ६२ करोड ३७ लाख रुपैयाँ बराबरको मोटर बीमा शुल्क आर्जन गरेको छ ।
यस्तै प्रुडेन्सियल इन्स्योरेन्सले ९४ करोड ५० लाख रुपैयाँ मोटर बीमा शुल्क संकलन गरेको छ ।
यसैगरी ४ कम्पनीले ८० करोड रुपैयाँ भन्दा बढिको मोटर बीमा शुल्क संकलन गरेका छन् । जसमा सगरमाथा इन्स्योरेन्सले ८२ करोड ४३ लाख, प्रिमियर इन्स्योरेन्सले ८० करोड ६६ रुपैयाँ, सिद्धार्थ इन्स्योरेन्सले ८० करोड ५१ लाख र नेको इन्स्योरेन्सले ८० करोड ४३ लाख रुपैयाँ बराबरको मोटर बीमा शुल्क आर्जन गरेको हो ।
निर्जीवन बीमा कम्पनीहरुले समग्र अग्नि बीमाबाट ४ अर्ब २९ करोड, सामुन्द्रिक बीमा ३ अर्ब १४ करोड, इन्जिनियरिङ्ग बीमा २ अर्ब २९ करोड, विविध बीमावाट २ अर्ब १९ करोड, हवाई बीमावाट ९० करोड ८२ लाख र कृषि तथा वाली बीमावाट ५४ करोड २० लाख रुपैयाँ बीमा शुल्क आर्जन भएको बीमा समितिको तथ्याङ्क छ ।
गत असार मसान्त सम्ममा ८२ हजार ७८६ कुल दाबी परेको मध्ये ६६ हजार ९२६ दाबी बापत १४ अर्ब ७२ करोड रुपैयाँ बराबरको दाबी भुक्तानी गरेको छ । बाँकी दाबीका लागि २ अर्ब ८२ करोड रुपैयाँ बराबरको दाबी भुक्तानी गर्न बाँकी रहेको समितिले जनाएको छ ।
गत आर्थिक वर्षको असार मसान्त सम्ममा पूर्नबीमा शूल्क वापत ११ अर्ब ४९ करोड ५५ लाख रुपैयाँ भुक्तान गरेको छ । पुर्नबीमा कमिशन भने २ अर्ब २६ करोड ६५ लाख रुपैयाँ मात्रै संकलन भएको छ ।
निर्जीवन बीमा कम्पनीहरुको लगानी २७ अर्ब ४४ करोड रुपैयाँ नाघेको छ । तर निर्जीवन बीमा कम्पनीहरुको चुक्ता पूँजी भने १० अर्ब ८५ करोड ५१ लाख रुपैयाँमा मात्रै सीमित छ ।
प्रत्येक निर्जीवन बीमा कम्पनीहरुको चुक्ता पूँजी एक अर्ब पुर्याउन बीमा समितिले निर्देशन दिए अनुरुप सबै कम्पनीहरुले तोकिएको चुक्ता पूँजी भने पुर्याउन सकिरहेको छैन ।
गत आर्थिक वर्षको असार मसान्त सम्ममा निर्जीवन बीमा कम्पनीहरुको शाखा ७७० वटा, कुल अभिकर्ता संख्या २ हजार ५११ जना र कर्मचारी संख्या ४ हजार १५८ जना रहेको समितिको तथ्याङ्क छ ।
